Connect with us

Hi, what are you looking for?

LuduNwayOo

News

တိုင်းရင်းသား လက်နက်ကိုင်တွေဆီ လေယာဉ်ပစ်ဒုံးကျည် တင်သွင်းမယ့် ဂျပန်တစ်ဦး အမေရိကန်မှာ အဖမ်းခံရ

အမေရိကန် အစိုးရ ရှေ့နေတွေက တာကီရှီ အီဘီဆာဝါဟာ ဒုစရိုက်ဂိုဏ်း ခေါင်းဆောင် တစ်ဦးလို့ စွပ်စွဲ ပြောဆိုခဲ့ပြီး မူးယစ်ဆေးဝါးနဲ့ လက်နက် မှောင်ခို ရောင်းဝယ်မှုတွေ ကျူးလွန်နေတယ်လို့ ဆိုပါတယ်။ သူဟာ ဂျပန်ရဲ့ နာမည်ကျော် ယာကူဇာ ဒုစရိုက်ဂိုဏ်းထဲက အတွင်းစည်း ပုဂ္ဂိုလ် တစ်ဦးလို့ မန်ဟက်တန် အခြေစိုက် အမေရိကန် အစိုးရ ရှေ့နေတွေက ပြောပါတယ်။

မြန်မာနိုင်ငံက တိုင်းရင်းသား လက်နက်ကိုင် အဖွဲ့အစည်း တချို့ဆီ ဝေဟင်ပစ် ဒုံးကျည်တွေ တင်သွင်းဖို့ စီစဉ်နေတဲ့ ဂျပန် နိုင်ငံသား တစ်ဦးကို အမေရိကန် အာဏာပိုင်တွေက ဖမ်းဆီးလိုက်ကြောင်း သိရပါတယ်။

အမေရိကန် အစိုးရ ရှေ့နေတွေက တာကီရှီ အီဘီဆာဝါဟာ ဒုစရိုက်ဂိုဏ်း ခေါင်းဆောင် တစ်ဦးလို့ စွပ်စွဲ ပြောဆိုခဲ့ပြီး မူးယစ်ဆေးဝါးနဲ့ လက်နက် မှောင်ခို ရောင်းဝယ်မှုတွေ ကျူးလွန်နေတယ်လို့ ဆိုပါတယ်။ သူဟာ ဂျပန်ရဲ့ နာမည်ကျော် ယာကူဇာ ဒုစရိုက်ဂိုဏ်းထဲက အတွင်းစည်း ပုဂ္ဂိုလ် တစ်ဦးလို့ မန်ဟက်တန် အခြေစိုက် အမေရိကန် အစိုးရ ရှေ့နေတွေက ပြောပါတယ်။

သူဟာ အမေရိကန်လုပ် မြေပြင်က ဝေဟင်ပစ် ဒုံးကျည်တွေကို မြန်မာနိုင်ငံက တိုင်းရင်းသား လက်နက်ကိုင် လှုပ်ရှားမှုတွေအတွက် ချိတ်ဆက် ရောင်းချပေးဖို့ ညှိနှိုင်း သဘောတူညီထားတယ်လို့ အီဘီဆာဝါက အမေရိကန် မူးယစ်တိုက်ဖျက်ရေးအဖွဲ့ လျှို့ဝှက် အေးဂျင့် တစ်ယောက်ကို ပြောပြခဲ့ပါတယ်။ ဝယ်ယူမယ့် အဖွဲ့တွေက ဒီဒုံးကျည်တွေ ရရှိဖို့အတွက် မူးယစ်ဆေးဝါးတွေကိုပါ ထည့်သွင်း ပေးချေဖို့ ကမ်းလှမ်းခဲ့တယ်လို့ အမေရိကန် အာဏာပိုင်တွေက စွပ်စွဲထားပါတယ်။

လက်နက်တွေကို မြန်မာနိုင်ငံက တိုင်းရင်းသား လက်နက်ကိုင် အဖွဲ့အစည်း တချို့က ဝယ်ယူလိုနေပြီး အီဘီဆာဝါနဲ့ ထိုင်းနိုင်ငံသား တစ်ဦးက ပွဲစားအဖြစ် ချိတ်ဆက်ပေးခဲ့တာလို့ ဆိုပါတယ်။ အမေရိကန် အေးဂျင့်ဟာ အီဘီဆာဝါနဲ့ အနီးကပ် ချဉ်းကပ်ဖို့ အသွင်ယူ လှုပ်ရှားနေခဲ့တာပါ။ အီဘီဆာဝါက အဲဒီ အေးဂျင့်ကို မက်သာမက်ဖက်တမင်း ၅၀၀ ကီလိုဂရမ်နဲ့ ဟီးရိုးအင်း မူးယစ်ဆေး ၅၀၀ ကီလိုဂရမ် ရောင်းချမိခဲ့ပါတယ်။

Public Service Announcement

Public Service Announcement

အီဘီဆာဝါကို ဖမ်းဆီးတဲ့ ကိစ္စဟာ အာဏာသိမ်း စစ်ကောင်စီရဲ့ လေတပ်ကို တုံ့ပြန်ဖို့ လေယာဉ်ပစ် လက်နက်တွေ ဝယ်ယူရေး ဆော်ဩ လှုပ်ရှားနေတဲ့ Project Dragonflyနဲ့တော့ ဆက်စပ်မှုတော့ မရှိဘူးလို့ ဆိုပါတယ်။

အမေရိကန် အစိုးရ ရှေ့နေတွေကတော့ ဒီလက်နက်တွေဟာ မူးယစ်ဆေးဝါး သယ်ယူပို့ဆောင်ရေး လုပ်ငန်းတွေမှာ အကာအကွယ်အဖြစ် အသုံးချဖို့လည်း ရည်ရွယ်ထားနိုင်တယ်လို့ စွပ်စွဲ ပြောကြားခဲ့ပါတယ်။ အီဘီဆာဝါရဲ့ ဂိုဏ်းနဲ့ ဆက်စပ်နေတဲ့ မူးယစ်ဆေးဝါးတွေကို နယူးယောက်က လမ်းတွေပေါ်မှာ သိမ်းဆည်း ရမိခဲ့တယ်လို့လည်း သိရပါတယ်။

အသက် ၅၇ နှစ်အရွယ် အီဘီဆာဝါနဲ့ ထိုင်းနိုင်ငံသား အဆက်အနွှယ် ၃ ယောက်ကို အခုသီတင်းပတ်အတွင်း မန်ဟက်တန်မှာ ဖမ်းဆီးရမိခဲ့ပါတယ်။ သူတို့အားလုံးဟာ စွဲချက် ၄ ခုနဲ့ ရင်ဆိုင်ရဖွယ် ရှိနေပြီး အမြင့်ဆုံး ပြစ်ဒဏ်က ထောင်ဒဏ် တစ်သက်ထိ ချမှတ် ခံရနိုင်တယ်လို့လည်း နိုင်ငံတကာ မီဒီယာတွေက ဖော်ပြသွားပါတယ်။

ဆက်စပ်သတင်းများ

နိုင်ငံတကာ

အစ္စရေးဟာ ဂါဇာစစ်ပွဲတလျှောက် အရပ်သားထူထပ်ရာ ဧရိယာတွေမှာ အရင်ကလည်း လေကြောင်းတိုက်ခိုက်မှုတွေ လုပ်ဆောင်ခဲ့ပေမယ့် အမေရိကန်က အခုလိုမျိုး ကြားဝင်ပြီး အကြံပြု တိုက်တွန်းတာမျိုး ဖြစ်လေ့မရှိပါဘူး။

နိုင်ငံတကာ

အနောက်နိုင်ငံတွေရဲ့ တိုက်လေယာဉ်မှူးဟောင်းတွေဟာ တရုတ်ကို ကူညီနေမိမှန်း မသိဘဲ သိမ်းသွင်းခံရတာမျိုးလည်း ရှိတယ်လို့ Five Eyesက ဆိုပါတယ်။

နိုင်ငံတကာ

အမေရိကန်ရဲ့ အဓိက မဟာမိတ် နိုင်ငံတစ်ခုဖြစ်တဲ့ တောင်ကိုရီးယားဟာ မြောက်ပိုင်းက ရန်ဘက် အိမ်နီးချင်းတွေနဲ့ တင်းမာမှုတွေ အမြင့်ဆုံး အခြေအနေမှာ ရှိနေပါတယ်။

နိုင်ငံတကာ

အခုတိုက်ခိုက်မှုမှာ အမေရိကန်လုပ် တာဝေးပစ် ဒုံးကျည်တွေကို အသုံးပြုခဲ့သလား ဆိုတာကိုတော့ ရှင်းရှင်းလင်းလင်း မသိရသေးပါဘူး။ ဒါ့အပြင် ရုရှားနိုင်ငံရဲ့ ဘယ်အစိတ်အပိုင်းကို ပစ်မှတ်ထား တိုက်ခိုက်ခဲ့သလဲ ဆိုတာကိုလည်း ယူကရိန်း စစ်တပ်က အတိအကျ မထုတ်ပြန်ခဲ့ပါဘူး။