ရန်ကုန်မြို့တော် ဂေါက်ကွင်းအပါအဝင် မင်္ဂလာဒုံလေတပ်စခန်း ရှော့တိုက်ဒုန်းဖြင့် တိုက်ခိုက်ခံရပြီး ထိခိုက်ဒဏ်ရာရသူများ ရှိခဲ့သည်ဟု ဒေသခံများက People’s Springသို့ ပြောသည်။
အဆိုပါ တိုက်ခိုက်ခံရမှုဖြစ်စဥ်ကြောင့် အင်းစိန်၊မင်္ဂလာဒုံ၊ ရွှေပြည်သာနှင့် မြောက်ဥက္ကလာပမြို့နယ်တို့တွင် အကြမ်းဖက်စစ်တပ်က ပိတ်ဆို့စစ်ဆေးမှုများဆောင်ရွက်နေသည်ဟု ဆိုသည်။
“အဲဒီဂေါက်ကွင်းကို စစ်တပ်အသိုင်းအဝိုင်းက ယူထားပြီး အကြီးအကျယ်ပြင်နေတာ။လာလိုက်ရင်လဲ သူတို့အပတ်အသတ်တွေပဲ။ဒီနေ့မနက် ဒုံးကျလို့ ထိတာက အမျိုးသားတစ်ဦးလို့ သိရတယ်။ ဝန်ထမ်းဟုတ်၊မဟုတ်တော့ မသိရသေးဘူး”ဟု မြို့တော်ဂေါက်ကွင်းရှိရာ အင်းစိန်ဂျပန်လမ်းအနီး နေထိုင်သူတစ်ဦးက ပြောသည်။
အလားတူ မင်္ဂလာဒုံလေတပ်စခန်းရှိ ဝန်ထမ်းလိုင်းခန်းတစ်ခုတွင်လည်း ရှော့တိုက်ဒုန်းဖြင့် တိုက်ခိုက်ခံရပြီး ထိခိုက်မှုအခြေအနေကို သီး ခြားအတည်မပြုနိုင်သေးပေ။
Public Service Announcement
“အခု မင်္ဂလာဒုံ-အင်းစိန် ပြည်လမ်းတောက် လျှောက်မှာ DC ငါးစီးလောက်ရှိတယ်။တချို့က ရပ်ထားတယ်။တချို့ကားတွေက လှည့်နေတဲ့ပုံစံမျိုးတွေ”ဟု မျက်မြင်တွေ့ရှိသည့် ပြည်သူတစ်ဦးက ပြောသည်။
ထို့အပြင် ယနေ့ နံနက် ၉ နာရီခွဲခန့်က အင်းစိန် -တညင်းကုန်းလမ်းဆုံတွင် ဗုံးပေါက်ကွဲမှုဖြစ်ပွားခဲ့ပြီး စစ်ကောင် စီတပ်က ပိတ်ဆို့စစ်ဆေးနေသည်ဟု သိရသည်။
