▪️“နန်းထိုက်အောင်”စစ်ဆင်ရေး မဟုတ်ဟုဆို
အကြမ်းဖက်စစ်ကောင်စီ၏ ထောက်တိုင်တစ်ခုဖြစ်သည့် ရန်ကုန်မြို့ မြန်မာပလာဇာရှိ ဦးတေဇမိသားစုပိုင် Harry’s Barကို ဗုံးနှစ်လုံးပစ်သွင်း၍ တိုက်ခိုက်ခဲ့ကြောင်း Special Task Agency of Burma -STA အဖွဲ့က ထုတ်ပြန်သည်။
” ဗုံးနှစ်လုံးပစ်ခတ်တိုက်ခိုက်ခဲ့ရာ တစ်လုံးအောင်မြင်စွာပေါက်ကွဲပြီး ကျန်တစ်လုံးမှာ နည်းပညာချို့ယွင်းမှုအချို့ဖြစ်ပေါ်ခဲ့သဖြင့် ပေါက်ကွဲမှု မဖြစ်ခဲ့ပေ”ဟု ယင်းအဖွဲ့က ထုတ်ပြန် သည်။
တိုက်ခိုက်မှုမပြုလုပ်မီ အဆိုပါဆိုင်အတွင်းရှိ ဝန်ထမ်းများနှင့် ပြည်သူများကို ဘေးလွတ်ရာသို့ ရွှေ့ပြောင်းပေးခဲ့သောကြောင့် ဆိုင်၏ မှန်များနှင့် အတွင်းပစ္စည်းများပျက်ဆီးခဲ့ကြောင်း သတင်းထုတ်ပြန်ထားသည်။
” ဒီမစ်ရှင်ကနန်းထိုက်အောင်နဲ့မဆိုင်ပါဘူး။ ကျွန်တော်တို့ UG သီးသန့်လုပ်တဲ့ မစ်ရှင်ပါ”ဟု STA အဖွဲ့မှတာဝန်ရှိသူတစ်ဦးက People’s Springသို့ ပြောသည်။
ယင်းတိုက်ခိုက်မှုတွင် ၎င်းတို့အဖွဲ့သားများ အထိအခိုက်မရှိ ဆုတ်ခွာလာနိုင်ခဲ့ သည်ဟု ၎င်းက ဆိုသည်။
အကြမ်းဖက်စစ်ကောင်စီသည် သင်္ကြန်အကြောင်းပြ၍ ပြည်သူအချင်းချင်း ရန်တိုက်ပေးရန် ပြင်ဆင်နေသောကြောင့် ပြည်သူများအနေဖြင့် သင်္ကြန်ပွဲတော် တွင်ပါဝင်ခြင်းမပြုရန် STA က တိုက်တွန်းထားသည်။
STA အဖွဲ့သည် အကြမ်းဖက်စစ်ကောင်စီနှင့် စစ်ကောင်စီကို ထောက်ပံ့ပေး နေသည့် ထောက်တိုင်များကို အဓိကတိုက်ခိုက်နေသည့် အဖွဲ့ဖြစ်သည်>