မြန်မာ့ဒီမိုကရေစီအရေး ဆက်လက်ကူညီရန် အမေရိကန်၏သံန္နိဋ္ဌာန် ခိုင်မြဲလျက်ရှိကြောင်း နိုင်ငံခြားရေးဝန်ကြီး ထပ်မံကတိပြု

သင်္ကြန်အခါသမယတွင် မြန်မာပြည်သူများကောင်းခြင်းမင်္ဂလာများနှင့် ပြည့်စုံပါစေဟု ဆုမွန်ကောင်းတောင်း

အားလုံးပါဝင်နိုင်သည့် ဒီမိုကရေစီစနစ် ပြန်လည်ဖော်ဆောင်ရန်နှင့် ရေရှည် တည်တံ့မည့် ငြိမ်းချမ်းရေးရရှိရန် အကူအညီပေးရာတွင် အမေရိကန်၏ သံန္နိဋ္ဌာန်မှာ ခိုင်ကျည်မြဲမြံလျက် ရှိကြောင်း အမေရိကန်နိုင်ငံခြားရေးဝန်ကြီး အန်တိုနီဘလင်ကင်က ထုတ်ပြန်သည်။

မြန်မာနှစ်သစ်ကူး သင်္ကြန်အခါသမယတွင် မြန်မာပြည်သူများကောင်းခြင်း မင်္ဂလာများနှင့် ပြည့်စုံပါစေကြောင်း အမေရိကန်ပြည်ထောင်စုကိုယ်စား အမေရိကန်နိုင်ငံခြားရေးဝန်ကြီးက ဆုမွန် ကောင်းသည်။

“ယခုကဲ့သို့အခက်အခဲကာလတွင် မြန်မာပြည်သူအားလုံးအတွက် မိမိတို့၏ နွေးထွေးသောမေတ္တာကို အလေးထားပို့သလိုက်ပါသည်” ဟု ဝန်ကြီး ဘလင်ကင်က ဆိုသည်။

Public Service Announcement

စစ်တပ်အာဏာသိမ်းပြီးချိန်မှစ၍ မြန်မာပြည်သူများသည် စဉ်းစားတွေးထင်ရန် မဖြစ်နိုင်လောက်သည့် ဒုက္ခသုက္ခများကို ရင်ဆိုင်အံတုခဲ့ကြပြီး စစ်အာဏာရှင် အဖွဲ့အစည်းကို ဆန့်ကျင်ရာတွင် ထူးချွန်ပြောင်မြောက်သည့် သူရသတ္တိနှင့် ကြံ့ကြံ့ခံနိုင်စွမ်းတို့ကို ပြသခဲ့ကြောင်း ထုတ်ပြန်ချက်၌ ဖော်ပြသည်။

ထို့အပြင် အမေရိကန်သည် မြန်မာပြည်သူတို့နှင့်အတူတကွ ဆက်လက် ရပ်တည်သွားမည်ဖြစ်ပြီး အာဏာသိမ်းမှုနှင့် စစ်အာဏာရှင်အဖွဲ့ ကျူးလွန်ခဲ့ သည့် အကြမ်းဖက်မှုများနှင့်ဆက်စပ်ပြီး တာဝန်ယူမှု တာဝန်ခံမှုရှိစေရန်အတွက် ဆက်လက်ဆောင်ရွက်သွားမည်ဖြစ်ကြောင်း ထုတ်ပြန်သည်။