မနက်ဖြန်မှာပြုလုပ်မယ့် စစ်ကောင်စီရဲ့ ရန်ကုန်မြို့တော် ခန်းမရှေ့ မဏ္ဍပ်ဖွင့်ပွဲအတွက် ဒီနေ့ကစတင်ပြီး မဏ္ဍပ်အနီးက လမ်းတွေကို အသွားအလာတားမြစ်ကာ ပိတ်ထားလိုက်တယ်လို့ အဲဒီနားကိုသွားလာခဲ့သူတွေထံကသိရပါတယ်။
မြို့တော်ခန်းမ နားမရောက်ခင် ဆူလေးဘုရားလမ်း ၊မဟာဗန္ဓုလလမ်း ၊ ကုန်သည်လမ်း ၊ပန်းဆိုးတန်းမီးပွိုင့် စတဲ့လေးဘက်လေးတန်ကနေ အတားအဆီးတွေ ချကာ ဖြတ်သန်းသွားလာခွင့်ပိတ်လိုက်တာပါ။
အဲဒီအတားအဆီးတွေရဲ့မလှမ်းမကမ်းမှာတော့ လုံခြုံရေးချထားတာမျိုးတွေ့ရတယ်လို့ဒီနေ့မနက်ပိုင်းက ရန်ကုန်မြို့ထဲသွားလာခဲ့သူတစ်ဦးကပြောပါတယ်။
စစ်ကောင်စီဟာ သင်္ကြန်ပွဲကို စည်ကားအောင်ကျင်းပဖို့စီစဉ်ထားတာပါ။
ရန်ကုန်မှာဆို လမ်းလျှောက်သင်္ကြန်ပါထည့်သွင်းထားပါသေးတယ်။
ဒါပေမယ့်ပြီးခဲ့တဲ့ရက်ပိုင်းကတော့ မြို့တော်ခန်းမ သင်္ကြန်မဏ္ဍပ်နားမှာပေါက်ကွဲမှုဖြစ်ခဲ့ပါသေးတယ်။
တော်လှန်ရေးအင်အားစုတွေကလည်း လူထုကိုအခြေမခံတဲ့ စစ်ကောင်စီရဲ့အတုအယောင်သင်္ကြန်ကို ပါဝင်ဆင်နွှဲတာမျိုးမလုပ်ဖို့ တိုက်တွန်းထားကြတာရှိပါတယ်။