ထီးလင်းမြို့နယ်​ကော်မရှင်ရုံးတွင် ​သောက်စား​ပျော်ပါး​နေသည့် စစ်​ကောင်စီတပ်သားများ တိုက်ခိုက်ခံရပြီး ငါးဦး​သေ

▪️ဗိုလ်ကြီးနေလင်းအောင်လည်း ကျည်ထိမှန်ထွက်​ပြေးသွားဟု YDF(ထီးလင်း) ထုတ်ပြန်

မ​ကွေးတိုင်း ထီးလင်းမြို့နယ်​ရွေး​ကောက်ပွဲကော်မရှင်ရုံးတွင် အရက်သောက်စားပျော်ပါးနေသော ဗိုလ်ကြီးနေလင်းအောင် ဦးဆောင်သည့်စစ်ကောင်စီအဖွဲ့ကို ဝင်ရောက်ပစ်ခတ်ရာ ငါးဦးသေဆုံးကြောင်း YDF(ထီးလင်း) တာဝန်ရှိသူက People’s Springသို့ ပြောသည်။

ယမန်နေ့(ဧပြီ ၁၃ ရက်)က နေ့လယ် ၃ နာရီခန့်ကထီးလင်းမြို့စွန်ရှိ စစ်ကောင်စီတပ်သားများ ကင်းစောင့်လေ့ရှိသောမီးသတ်ရုံးအား ဝင်ရောက်စီးနင်းရန် YDF(ထီးလင်း)က ကနဦးကြိုးပမ်းခဲ့သည်။

“မီးသတ်ရုံးမှာ စခ တွေ က အမြဲကင်းစောင့်နေကြ ဆိုတော့ အဲဒီကို ဝင်စီးမယ်ဆိုပြီးလုပ်တာ။ဒါပေမယ့် မီးသတ်ရုံးမရောက်ခင်မှာ မြို့နယ်ကော်မရှင်ရုံး ရှိတယ်။ရုံးထဲမှာ စခ တွေက သောက်စားပျောက်ပါး သီးချင်တွေဆိုနေတွေ့တော့ အဲဒီနေရာကို လည်း ဝင်ရှင်းဖို့လုပ်တယ်။မီးသတ်ရုံးဘက်မှာလည်း တစ်ဖွဲ့သပ်သပ် မိုင်း ထောင်တိုက်ခိုက်ဖို့လုပ်ခဲ့တယ်”ဟု အထက်ပါတာဝန်ရှိသူက ရှင်းပြသည်။

Public Service Announcement

မြို့နယ်ကော်မရှင်ရုံးသို့ ချဥ်းကပ်တိုက်ခိုက်မှုကြောင့် သုံးဦးသေဆုံးပြီး နှစ်ဦးဒဏ်ရာရရှိခဲ့ကာ ဗိုလ်ကြီးနေလင်းအောင်မှာလည်း ပေါင်၌ ကျည်မှန်ဒဏ်ရာဖြင့် ထွက်ပြေးခဲ့ရသည်ဟု ဆိုသည်။

YDF(ထီးလင်း)တပ်ဖွဲ့ဝင်များ ပြန်လည်ဆုတ်ချိန်တွင် စစ်ကောင်စီတပ်သားများ နောက်မှလိုက်လာသဖြင့် ခြုံခိုတိုက်ခိုက်ခဲ့ပြီးနောက် စစ်ကောင်စီတပ်သားနှစ်ဦးထပ်မံသေဆုံးခဲ့ကြောင်း သိရသည်။

စစ်ကောင်စီတပ်သားအချို့ တပ်စွဲရာ မီးသတ်စခန်းမိုင်းဆွဲတိုက်ခိုက်မှုတွင်လည်း အကျအဆုံးမသိရသေးပေ။တိုက်ခိုက်မှုများတွင် YDF(ထီးလင်း)တပ်ဖွဲ့ဝင်များ အထိအခိုက်၊အကျအဆုံး မရှိခဲ့ကြောင်းလည်း အသိပေးသည်။

တိုက်ပွဲတွင် (၉)မမကျည် ၁၂တောင့်၊ပစ္စတိုကျည်ပေါက်အိတ်တစ်ခု နှင့် ဖုန်းခြောက်လုံး တို့ကိုသိမ်းဆည်းရရှိခဲ့သည်။