ထီးလင်းမြို့တိုက်ပွဲတွင် ပေါင်ကျည်ထိမှန်ဒဏ်ရာဖြင့်ထွက်ပြေးသွားသော စစ်ကောင်စီတပ်မှ ဗိုလ်ကြီး
နေလင်းအောင်သေဆုံးသွားပြီး ယနေ့(ဧပြီ ၁၅ ရက်)တွင်သဂြိုလ်လိုက်ကြောင်း ဒေသခံများက People’s Springသို့ ပြောသည်။
ထီးလင်းဆေးရုံရင်ခွဲရုံမှတစ်ဆင့် အလောင်းထုတ်ကာ မီးသဂြိုလ်လိုက်ရသူ ဗိုလ်ကြီးနေလင်းအောင်သည် မြို့နယ်ရွေးကောက်ပွဲကော်မရှင်ရုံးတွင် အရက်သောက် ပျော်ပါးနေစဥ် YDF(ထီးလင်း)က ဧပြီ ၁၃ရက် နေ့လယ်ပိုင်း၌ ဝင်ရောက်ရှင်းလင်းခံရသူဖြစ်သည်။
“အလောင်းတောင် ဒီမနက်အစောပိုင်းကမှ တွေ့တယ် ပြောတယ်။ထိတာ ပေါင်တစ်ခုတည်းထိတာမဟုတ်လောက်ဘူး။သေတာတော့သေချာတယ်။ ဒီမနက်ပိုင်းမှာတင် စခ တွေ ဆေးရုံကို အဝင်အထွက် အရမ်းလုပ်နေတာနဲ့ သတင်းက ပေါက်နေပြီလေ “ဟု ထီးလင်းမြို့နေသူတစ်ဦးက ပြောသည်။
ဧပြီ ၁၃ရက်က ထီးလင်းမြို့စွန်ရှိ စစ်ကောင်စီတပ်သားများ ကင်းစောင့်လေ့ရှိသောမီးသတ်ရုံးအား ဝင်ရောက်ာစီးနင်းရန် YDFက ကြိုးပမ်းခဲ့သည်။
Public Service Announcement
သို့သော် မီးသတ်ရုံးဘေးရှိ မြို့နယ်ကော်မရှင်ရုံး၌ သောက်စားပျော်ပါးနေသည့် စစ်ကောင်စီအဖွဲ့များကို တွေ့ရှိသဖြင့် တပါးတည်း တိုက်ခိုက်ခဲ့ခြင်း ဖြစ်ကြောင်း YDF တာဝန်ရှိသူက People’s Springသို့ ပြောကြားထားသည်။
မြို့နယ်ကော်မရှင်ရုံးသို့ ချဥ်းကပ်တိုက်ခိုက်မှုကြောင့် သုံးဦးသေဆုံးပြီး နှစ်ဦးဒဏ်ရာရရှိခဲ့ကာ ဗိုလ်ကြီးနေလင်းအောင်မှာလည်း ပေါင်ကျည်ထိမှန်ဒဏ်ရာဖြင့် ထွက်ပြေးခဲ့ရသည်။
ထို့နောက်YDF တပ်ဖွဲ့ဝင်များပြန်လည်ဆုတ်ချိန်တွင် စစ်ကောင်စီတပ်သားများ နောက်မှလိုက်လာသဖြင့် ခြုံခိုတိုက်ခိုက်ခဲ့ပြီးနောက် စစ်ကောင်စီတပ်သားနှစ်ဦးထပ်မံသေဆုံးခဲ့ကြောင်း ကနဦးထုတ်ပြန်ထားသည်။
ထိုတိုက်ပွဲတွင် (၉)မမကျည် ၁၂တောင့်၊ပစ္စတိုကျည်ပေါက်အိတ်တစ်ခု နှင့် ဖုန်းခြောက်လုံး တို့ကိုသိမ်းဆည်းရရှိခဲ့သည်။
