လွတ်လပ်ရေးရပြီး ၇၅ နှစ်အတွင်း နိုင်ငံအတွက် ကောင်းကျိုးဆောင်ရွက်ပေးနိုင်ခဲ့သူတွေဆိုကာ လူပုဂ္ဂိုလ် ၁၄၀ ကို ဂုဏ်ထူးဆောင်ဘွဲ့တွေပေးရာမှာ အာဏာသိမ်းစစ်ခေါင်းဆောင်ဟာ ကိုယ့်ကိုယ်ကို ဘွဲ့ပြန်ပေးလိုက်တာတွေ့ရပါတယ်။
စစ်ကောင်စီခေါင်းဆောင်က ဒီနေ့ ရက်စွဲနဲ့ အဲဒီစာရင်းကို လက်မှတ်ရေးထိုးထုတ်ပြန်တာပါ။
အဲဒီစာရင်းမှာအဂ္ဂမဟာသီရိသုဓမ္မဘွဲ့ကို ဝန်ကြီးချုပ်ဟောင်းဦးနု ၊ သမ္မတဟောင်းဦးစန်းယုနဲ့ ဗိုလ်ချုပ်မှူးကြီးစောမောင်ကိုပေးထားပါတယ်။
ဒါအပြင် အာဏာသိမ်းမှုမှာပါဝင်တဲ့ ဒုသမ္မတ ဦးမြင့်ဆွေကို သတိုးသီရိသုဓမ္မဘွဲ့ပေးသလို စစ်ကောင်စီခေါင်းဆောင်က ကိုယ့်ကိုယ်ကိုလည်း အဲဒီ သတိုးသီရိသုဓမ္မ ဘွဲ့ပေးထားပါတယ်။
Public Service Announcement
ကျန်တဲ့ဘွဲ့အမျိုးအစားတွေမှာတော့ နဝတ လက်ထက်က စစ်ဗိုလ်ချုပ်ဟောင်းတွေကိုပေးထားပါတယ်။
ဒါအပြင် စစ်တပ်နဲ့ ဆက်ဆံရေးပြေလည်တဲ့ တိုင်းရင်းသားလက်နက်ကိုင်ခေါင်းဆောင်အချို့ကိုလည်း မင်းအောင်လှိုင်ဂုဏ်ထူးဆောင်ပေးတာတွေ့ရပါတယ်။
