စစ်ကောင်စီတပ်က ထိုးစစ်ဆင်နေတဲ့ ကော်သူးလေဥက္ကဌကို ၀ဏ္ဏကျော်ထင်ဘွဲ့ ပေး

ကေအဲန်ယူ-ကရင်အမျိုးသားအစည်းအရုံး(KNU) ကော်သူးလေဥက္ကဌ ဗိုလ်ချုပ်ကြီးစောမူတူးစေးဖိုးကို စစ်ကောင်စီက ၀ဏ္ဏကျော်ထင်ဘွဲ့ ပေးအပ်ချီးမြှင့်ခဲ့တယ်လို့ စစ်ကောင်စီက ဒီကနေ့မှာ ထုတ်ပြန်ကြေညာလိုက်ပါတယ်။

မြန်မာနိုင်ငံ လွတ်လပ်ရေးရပြီး (၇၅) နှစ်တာကာလအတွင်း နိုင်ငံတော်နဲ့ နိုင်ငံသားတွေရဲ့ ကောင်းကျိုးကို ထူးချွန်ပြောင်မြောက်စွာ တာဝန်ထမ်းဆောင်နိုင်မှုတွေအတွက် စစ်ကောင်စီဥက္ကဌက ဂုဏ်ထူးဆောင်ဘွဲ့တံဆိပ်ကို ချီးမြှင့်အပ်နှင်းလိုက်တာလို့ ထုတ်ပြန်ကြေညာခဲ့တာပါ။

အဲ့ဒီလို စစ်ကောင်စီက ဂုဏ်ထူးဆောင်ဘွဲ့ချီးမြှင့်အပ်နှင်းလိုက်တဲ့အထဲမှာ လက်ရှိ ကေအဲန်ယူဥက္ကဌဖြစ်သူ တာဝန်ယူနေတဲ့ ဗိုလ်ချုပ်ကြီးစောမူတူးစေးဖိုးလည်း ပါဝင်နေတာဖြစ်ပါတယ်။

ဒါ့အပြင် ကေအဲန်ယူမိခင်အဖွဲ့အစည်းကနေ ခွဲထွက်ပြီး စစ်တပ်နဲ့ ငြိမ်းချမ်းရယူသွားခဲ့တဲ့ ဘုရားကုန်းငြိမ်းချမ်းရေးအဖွဲ့က ပဒိုအောင်ဆန်း၊ ကွယ်လွန်သွားပြီးဖြစ်တဲ့ ဟောင်သရောငြိမ်းချမ်းရေးအဖွဲ့က စောသမူဟဲ၊ သံတောင်ငြိမ်းချမ်းရေးအဖွဲ့က စောဖယ်ရီမိုး၊ ကရင်​ငြိမ်းချမ်းရေးကောင်စီ KNL/KNLA PC အဖွဲ့က ဗိုလ်ချုပ်ကြီးစောဌေးမောင်(ကွယ်လွန်) စတဲ့ တခြားအဖွဲ့အစည်းက လူပုဂ္ဂိုလ်တွေကိုလည်း စစ်ကောင်စီက ဂုဏ်ထူးဆောင်ဘွဲ့တံဆိပ် ချီးမြှင့်ခဲ့တာဖြစ်ပါတယ်။

Public Service Announcement

ဒီလို ကေအဲန်ယူဥက္ကဌ ဗိုလ်ချုပ်ကြီးစောမူတူးစေးဖိုးကို စစ်ကောင်စီက ဂုဏ်ထူးဆောင်ဘွဲ့တံဆိပ်အင်းနှင်းချီးမြှင့်ခဲ့ပေမယ့် တဖက်ကနေ စစ်ကောင်စီတပ်က ကေအဲန်ယူထိန်းချုပ်နယ်မြေတွေထဲကို အင်အားအလုံးအရင်းနဲ့ ထိုးစစ်ဆင်တိုက်ခိုက်မှုတွေ လုပ်ဆောင်နေတာလည်း ဖြစ်ပါတယ်။

အကြမ်းဖက်စစ်​ကောင်စီက ဂုဏ်ထူး​ဆောင်ဘွဲ့ဆိုပြီး​​ကြေညာတဲ့စာရင်းရှည်ထဲမှာ ​သေပြီးသာူသူ​တွေလည်းပါဝင်ပါတယ်။