●အင်အား၁၀၀ ကျော်ပါစစ်ကောင်စီတပ်သည် စနိုက်ပါနှင့်၄၀ မမကြောင့်အသေများခဲ့ဟု ဗိုလ်နဂါးပြော
စစ်ကိုင်းတိုင်း၊ပုလဲ မြို့နယ်တွင်စစ်ကောင်စီ စစ်ကြောင်း ကို ကြားဖြတ်တိုက်ခိုက်ရာ အကြမ်းဖက်စစ်ကောင်စီတပ်သား ၃၃ ဦးကျော် သေဆုံးကြောင်း မြန်မာ့တော်ဝင်နဂါးတပ်တော်(MRDA) က ထုတ်ပြန်သည်။
“မနေ့က(ဧပြီ ၁၈ ရက်)က မင်းတိုင်ပင်ရွာကနေ ထွက်လာတဲ့ ရန်သူစစ်ကြောင်းက အင်အား ၁၀၀ ကျော်ပါတယ်။ သုံးကြိမ် တိုင်ကြားဖြတ်တိုက်ခဲ့တယ်။စနိုက်ပါတွေနဲ့ရော ၄၀ မမ တွေ ပါ အထိ များလို့ စခတွေ အသေများခဲ့တာ”ဟု MRDA ဦ၏ဆောင်သူ ဗိုလ်နဂါးက လူထုနွေဦးသို့ ပြောသည်။
တိုက်ပွဲ ဖြစ်စဥ်များအရ ယမန်နေ့ နံနက် ၉ နာရီခန့်ကစ၍ မြန်မာ့တော်ဝင်နဂါးတပ်တော်(MRDA) တပ်ခွဲမှ ပုလဲမြို့နယ်၊ ဆင်ရှင်နှင့်ကြောင်သန်းကျေးရွာအကြားတွင် အကြမ်းဖက်စစ်ကောင်စီစစ်ကြောင်းကို ခြုံခိုဖြတ်တောက်တိုက်ခိုက်ခဲ့ရာ အကြမ်း ဖက်စစ်ကောင်စီအဖွဲ့မှ သုံးဦးသေဆုံးသည်ဖော်ပြထားသည်။
ထို့နောက် နေ့လည် ၁ နာရီမှ ညနေ ၄ နာရီခန့်အထိ ပုလဲမြို့နယ်၊ အရှေ့သီတင်းကျေးရွာအနီးတွင် ထပ်မံကြားဖြတ်တိုက်ခဲ့သည်။အဆိုပါတိုက်ပွဲတွင် စစ်ကောင်စီစစ်ကြောင်းမှ တပ်သား ၃၀ ကျော်သေဆုံးနိုင်ကြောင်း MRDA က အတည်ပြုသည်။
“ယနေ့တစ်ရက်တည်းတွင်ပင် စုစုပေါင်း စခ ၃၃ ကျော်ကို ကိစ္စချောနိုင်ခဲ့ပါသည်” ဟုထုတ်ပြန်ချက်တွင်ဖော်ပြထားသည်။
တိုက်ပွဲအတွင်း မြန်မာ့တော်ဝင်နဂါးတပ်တော် (MRDA) တပ်ခွဲမှ နဂါးစစ်သည်တော်တစ်ဦး ထိခိုက်ဒဏ်ရာ(မစိုးရိမ်ရ)ရခဲ့ကြောင်းလည်း အသိပေးထားသည်။