ကော်ဘရာစစ်ကြောင်းရဲ့ လက်နက်ကြီးထိလို့ စစ်ကောင်စီတပ်သား ၅ ဦးလောက် ထိခိုက်သေဆုံးနိုင်တယ်လို့ ဆို

လေးကေကော်မှာ စစ်ကောင်စီတပ်အခြေချထားတဲ့ နေရာကို KNLA ပူးပေါင်းအဖွဲ့ဖြစ်တဲ့ ကော်ဘရာစစ်ကြောင်းက ဒီကနေ့မနက်ပိုင်းက လက်နက်ကြီးနဲ့ပစ်ခတ်ခဲ့လို့ စစ်ကောင်စီဘက်က အနည်းဆုံး ငါးဦး ထိခိုက်သေဆုံးနိုင်တယ်လို့ ကော်ဘရာစစ်ကြောင်းက သတင်းထုတ်ပြန်ပါတယ်။

ဒီကနေ့ မနက် ၁၁ နာရီဝန်းကျင်အချိန်ခန့်မှာ လေးကေကော်မြို့သစ်အနီး စစ်ကောင်စီအခြေချထားတဲ့နေရာကနေ စစ်ကောင်စီတပ်က စနိုက်ဘာနဲ့ ကော်ဘရာစစ်ကြောင်းက စစ်သည်တော်တွေကို ချောင်းမြောင်းပစ်ခတ်ခဲ့ပေမယ့် ထိခိုက်ကျဆုံးမှုမရှိဘူးလို့ ထုတ်ပြန်ချက်မှာ ဖော်ပြထားပါတယ်။

ဒါကြောင့် ကော်ဘရာစစ်ကြောင်း လက်နက်ကြီးစစ်သည်တော်ကနေ ပြန်လည်ပစ်ခတ်ခဲ့လို့ စစ်ကောင်စီတပ်ရဲ့ စနိုက်ဘာနဲ့ စက်သေနတ်ထားရာနေရာတွေကို တိုက်ရိုက်ထိမှန်ခဲ့ပြီး စစ်ကောင်စီဘက်က အနည်းဆုံး ၅ ဦး သေဆုံးနိုင်တယ်လို့ ကော်ဘရာစစ်ကြောင်းက ဆိုထားပါတယ်။

လေးကေကော်ဒေသမှာ မနေ့ညပိုင်း ၁၁ နာရီဝန်းကျင်က စစ်ကောင်စီရဲ့ စွယ်တော်ကုန်းနဲ့ ကြက်ကင်ကုန်းကနေ လေးကေကော်ဒေသထဲကို လက်နက်ကြီးပစ်ခတ်မှုတွေရှိသလို လေယာဉ်နဲ့ လာရောက်ပျံဝဲတာတွေ ရှိနေတယ်လို့ ကော်ဘရာစစ်ကြောင်းရဲ့ ထုတ်ပြန်ချက်အရ သိရပါတယ်။

Public Service Announcement