အမေရိကန်အစိုးရသည် နိုင်ငံတကာမိတ်ဖက်များနှင့်အတူ စစ်အာဏာရှင်ကို ဖိအားပေးရန် ဆက်လက်ပူးပေါင်းဆောင်ရွက်မည်ဟု ယနေ့ထုတ်ပြန်သည်။
လူ့အခွင့်အရေးချိုးဖောက်မှုများကို ကိုင်တွယ်ဖြေရှင်းရန်၊ အကြမ်းဖက်မှုများရပ်တန့်ရေးနှင့် မတရားထိန်းသိမ်းခံထားရသူများ ပြန်လွှတ်ပေးရေး ဖိအားပေးရန်၊ လူသားချင်းစာနာထောက်ထားမှုအကူအညီများ အဆီးအတားမရှိ ပေးအပ်နိုင်ရေးနှင့် မြန်မာနိုင်ငံကို ဒီမိုကရေစီလမ်းကြောင်းပေါ်ပြန်လည်ပို့ဆောင်ရေးတို့အတွက် နိုင်ငံတကာမိတ်ဖက်များနှင့် ဆက်လက်ပူးပေါင်းလုပ် ဆောင်သွားမည်ဟု ရန်ကုန်မြို့ရှိ အမေရိကန်သံရုံးက ထုတ်ပြန်သည်။
အမေရိကန်သံရုံးသည် နိုင်ငံရေးအကျဉ်းသားဟောင်း၊ သတင်းစာဆရာကြီး ဦးဝင်းတင်(ဟံသာ၀တီ) ကွယ်လွန်ခြင်း (၈) နှစ်ပြည့်ကို ဂုဏ်ပြုကာ ဦးဝင်းတင်၏ ‘ကျားရဲ ငါ’ ကဗျာထဲက စာသားအချို့ကို ကောက်နုတ်ဖော်ပြ သည်။
“တိရစ္ဆာန်ရုံက ကျားလို၊ လှောင်အိမ်ထဲမှာ တလွန့်လွန့်နဲ့၊ ကျားညွန့်တုန်းတွေ ထင်သလား။ မှားလိုက်တဲ့ အမြင်၊ ဟားတိုက်လို့ ရယ်ချင်စရာ။ မှတ်ထားဟေ့။ အဝါပေါ်မှာ အနက်စင်း၊ မပျက်မယွင်း ကွက်ကွက်ကွင်း၊ အရှင်းသား မလွဲသရွေ့၊ အထင်းသား စွဲသရွေ့၊ ကျားရဲဟာ ကျားရဲ၊ ငါလည်း အဲဒီလိုပဲကွဟေ့” ဟု သံရုံးက ဦးဝင်းတင်၏ ကဗျာစာသားကို မြန်မာ-အင်္ဂလိပ်နှစ်ဘာသာဖြင့် ဖော်ပြ သည်။
Public Service Announcement
အမေရိကန်သည် စစ်တပ်၏ တရားမဝင်အာဏာသိမ်းမှုကို အပြင်းအထန်ကန့်ကွက်ရှုတ်ချထားပြီး အာဏာသိမ်းမှုအပြီး အာဏာသိမ်းခေါင်းဆောင် မင်းအောင်လှိုင်အပါအဝင် ထိပ်တန်းအရာရှိ များ၊ ၎င်းတို့၏ စီးပွားရေးလုပ်ငန်းများ၊ ၎င်းတို့ကို ထောက်ခံအားပေးသူများ၊ ဆက်စပ်စီးပွားရေး လုပ်ငန်းများကို ပိတ်ဆို့ဒဏ်ခတ်မှုများ ပြုလုပ်ထားသည်။
