လေးကေကော်ဒေသအနီးက ဖလူးကျေးရွာမှာ မနေ့ညကပိုင်းက ကော်ဘရာစစ်ကြောင်းအဖွဲ့နဲ့ စစ်ကောင်စီတပ်တို့အကြား ထိတွေ့တိုက်ပွဲဖြစ်ပွားခဲ့ရာ စစ်ကောင်စီဘက်က တစ်ဦးသေဆုံးပြီး သုံးဦးဒဏ်ရာရခဲ့တယ်လို့ ကော်ဘရာစစ်ကြောင်းအဖွဲ့က သတင်းထုတ်ပြန်ထားပါတယ်။
ဧပြီ ၂၁ ရက် ည ၆ နာရီခွဲအချိန်ခန့်က KNLA ပူးပေါင်းအဖွဲ့ဖြစ်တဲ့ ကော်ဘရာစစ်ကြောင်းနဲ့ စစ်ကောင်စီရဲ့ တပ်မ(၄၄) လက်အောက်ခံ ခမရ(၁)တပ်တို့အကြား ဖလူးကျေးရွာအနီးမှာ ထိတွေ့မှုဖြစ်ပွားခဲ့တာပါ။
အဲ့ဒီထိတွေ့တိုက်ပွဲမှာ စစ်ကောင်စီဘက်က တစ်ဦးသေဆုံးခဲ့ပြီး သုံးဦးဒဏ်ရာရရှိခဲ့ကာ ကော်ဘရာစစ်ကြောင်းအဖွဲ့က တပ်ဖွဲ့ဝင်နှစ်ဦး လက်နက်ကြီးစ ထိမှန်ခဲ့ကာ မစိုးရဘူးလို့ ထုတ်ပြန်ချက်မှာ ဖော်ပြထားပါတယ်။
မနေ့ည ၇ နာရီ ၁၀ မိနစ်အချိန်ကနေ ည ၁၁ နာရီအထိ စစ်ကောင်စီက စွယ်တော်ကုန်းကနေ လက်နက်ကြီး ရမ်းသမ်းပစ်ခတ်လျက်ရှိနေတယ်လို့လည်း ထုတ်ပြန်ချက်အရ သိရပါတယ်။
Public Service Announcement
