● စစ်ကောင်စီတပ်နှင့် ပျူးစောထီးအလောင်းအချို့ကိုကောက်သွားသော်လည်း ဗိုလ်ကြီးတစ်ဦးအပါအဝင်အချို့ကိုလာမကောက်ခြင်းဖြစ်
ကလေးမြို့နယ်တောင်ပိုင်း မြစ်သာမြစ် အရှေ့ပိုင်း ၊ရေရှင်ရွာအနီးတိုက်ပွဲဖြစ်ခဲ့ရာနေရာများတွင် နယ်မြေရှင်းလင်းရေးဆောင်ရွက်ရာတွင် စစ်ကောင်စီတပ်သားအလောင်းများ၊ ခဲယမ်းနှင့်စစ်ဘက်သုံးပစ္စည်းများ သိမ်းဆည်းရမိသည်ဟု ရိန်းဂျားကလေးပြည်သူ့ကာကွယ်ရေးတပ်(RKDF) ထုတ်ပြန်သည်။
ကလေးမြို့နယ် တောင်ဘက်တွင် ဧပြီ ၂၂ရက်က ရေရှင်ကျေးရွာသို့ စစ်ကြောင်းထိုးလာသော စစ်ကောင်စီတပ်နှင့်ပျူစောထီးစုစုပေါင်းအင်အား ၂၅၀ရှိသောစစ်ကြောင်းသုံးကြောင်းကိုဒေသခံပြည်သူ့ကာကွယ်ရေူတပ်များကပူးပေါင်းတိုက်ခိုက်ခဲ့ရာတွင်စစ်ကောင်စီတပ်မှ အရာရှိ သုံးဦးအပါအဝင် စစ်သားနှင့် ပျူစောထီး ၂၀ခန့် သေဆုံးခဲ့ပြီး အကြမ်းဖက်စ်စကောင်စီမှယနေ့အထိ့ အလောင်းလာကောက်ခြင်းမရှိကြောင်း ရိန်းဂျားကလေးပြည်သူ့ကာကွယ်ရေးတပ်က ထုတ်ပြန်သည်။
RKDFက သိမ်းဆည်းရမိသည့် စစ်ဘက်ဆိုင်ရာ ပစ္စည်းများမှာ ၅ဒသမ ၅၆ ကျည် ၂၂၄တောင့်၊ အူဇီ ကျည် ၆၁ တောင့်၊ Enarga ဗုံးသီး သုံးလုံး၊ MA ကျည်အိမ် လေးခု၊ လက်ကိုင်ဖုန်း တစ်လုံးနှင့် စကားပြောစက်တစ်လုံးတို့ကိုသိမ်းဆည်းရမိသည်ဟု ဓါတ်ပုံနှင့်တစ်ကွဖော်ပြထားသည်။ သိမ်းဆည်းရမိသည့် ဖုန်းမှ ယာဉ်ထိန်းရဲ ဖုန်းဖြစ်နေကြောင်း RKDFထုတ်ပြန်သည်။ထိုကြောင့်စစ်ကောင်စီတပ်က တိုက်ပွဲဖြစ်ပွားရာရှေ့တန်းစစ်မြေပြင်များသို့ယာဥ်ထိန်းရဲများကိုပါ စစ်ဝတ်စုံဝတ်စေလွှတ်ထားသည့်သာဓကတစ်ခုဖြစ်ကြောင်း PDFများနှင့်နီးစပ်သောသတင်းရင်းမြစ်က ပြောသည်။
Public Service Announcement
မြစ်သာမြစ်အရှေ့ဘက်ကမ်းတိုက်ပွဲတွင် သေဆုံးခဲ့သည့် စစ်ကောင်စီ တပ်များတွင် ကလေးမြို့အခြေစိုက် ခလရ (၈၇) မှဗိုလ်ကြီးထက်အောင်ခိုင် ၊ ရဲဒုတပ်ကြပ် စိုးမင်းသူ ၊တပ်သားရန်နိုင်ကျော် တို့ပါဝင်သည်ဟု ဒေသခံကာကွယ်ရေးတပ်များနှင့် နီးစပ်သူတစ်ဦးက ပြောသည်။
စစ်ကောင်စီတပ်က တိုက်ပွဲတွင်သေဆုံးသွားသောဗိုလ်ကြီးထက်အောင်ခိုင်၏ရုပ်အလောင်းကိုပင်လာမကောက်ကြောင်းသိရသည်။ ဗိုလ်ကြီးထက်အောင်ခိုင်တွင် ဇနီးနှင့် ကလေးနှစ်ဦးကျန်ရစ်ခဲ့သည်။
တိုက်ပွဲတွင် သေဆုံးခဲ့သော စစ်ကောင်စီတပ်နှင့်ပျူစောထီး ၂၀ကျော်အနက် အချို့ရုပ်အလောင်းများကို သယ်သွားပြီး အချို့ရုပ်အလောင်းများကိုမှုချန်ခဲ့ခြင်းဖြစ် သည်။
ဒဏ်ရာရရှိသူများတွင် ဆက်သွယ်ရေးတပ်မှ တပ်သား ညီညီထွန်းနိုင် ၊ ဒကစ(ကလေး)မှ တပ်ကြပ် ဖိုးအေး၊ ထပရ ((၉၃၄)မှ တပ်ကြပ် သိုက်စိုး၊ စကခ (၁၀) မှ တပ်ကြပ်ဇော်လွင်၊ စအရ (၉၁၆)မှ တပ်သားတင့်နိုင်ဦး၊ ပျူစောထီးများဖြစ်ကြသည့် အင်းကျွန်းရွာ မှ စိုးမင်းထွေး၊ သန်းနိုင်၊ မန်းကီး၊ ဘဂျမ်း၊ တင်ကိုဦးတို့လည်း ပါဝင်သည်ဟု သိရသည်။
