▪️နယ်မြေရှင်းလင်းရာ စစ်ကောင်စီတပ်ထံမှ ခဲယမ်းနှင့်စစ်သုံးပစ္စည်းအချို့သိမ်းဆည်းရမိ
ကယားပြည်နယ် ဒီးမော့ဆိုမြို့နယ်ရှိ စစ်ဇုန်နေရာအချို့ကို ဒီးမော့ဆို ပြည်သူ့ကာကွယ်ရေးတပ်(PDF)က နယ်မြေရှင်းလင်းရေး လုပ်ဆောင်ရာ နင်းမိုင်းအများအပြား တွေ့ရှိရကြောင်း ဒီးမော့ဆို PDFက ထုတ်ပြန်သည်။
ဧပြီ တတိယအပတ်တွင် ပြုလုပ်ခဲသည့် နယ်မြေရှင်းလင်းရေးတွင် အကြမ်းဖက်စစ်ကောင်စီတပ်ဖွဲ့၏ စစ်အသုံးအဆောင်ပစ္စည်းအချို့နှင့် ခဲယမ်းအချို့ကို သိမ်းဆည်းရမိခဲ့ကြောင်း၊ အကြမ်းဖက်စစ်ကောင်စီတပ်ဖွဲ့ တပ်စွဲထားခဲ့သော နေရာမှ တပ်ဆုတ်ခဲ့ရာတွင် နင်းမိုင်းအပြားအများထောင်ထားခဲ့သည်ကို တွေ့ရကြောင်း ဖော်ပြထားသည်။
အဆိုပါ နင်းမိုင်းများအားလုံး မရှင်းလင်းနိုင်သေးသည့်အတွက် မိဘပြည်သူများအနေဖြင့် မိမိတို့လုံခြုံရေးရှေးရှုပြီး စစ်ဇုန်ရှိကျေးရွာတွင် ပြန်လည်ဝင်ရောက်ခြင်းမပြုလုပ်ကြရန် အသိပေးအပ်သည်ဟု ဒီးမော့ဆို PDFက ထုတ်ပြန်သည်။
ဒီးမော့ဆိုအပါအဝင် ကရင်နီဒေသ၌ စစ်ကောင်စီတပ်၏ အကြမ်းဖက် ထိုးစစ်ဆင်မှုကြောင့် တိုက်ပွဲများ ပြင်းထန်ခဲ့ပြီး ပြည်သူလူထုများစွာ စစ်ဘေးတိမ်းရှောင်နေကြရသည်။