Connect with us

Hi, what are you looking for?

News

ဂန့်ဂေါမြို့နယ်အတွင်း နယ်မြေစုံစမ်းရန် အရပ်ဝတ်ဖြင့် ထွက်လာသည့် စစ်ကောင်စီတပ်သားနှစ်ဦးကို ဖမ်းမိ

MPDF- GANGAW နှင့် မဟာမိတ်များဖြစ်ကြသော ဒေသခံ၊အနီးပတ်ဝန်းကျင်ကျေးရွာများမှ ပကဖ အဖွဲ့၊ YPDF တပ်ဖွဲ့တို့ဖြင့် ပူးပေါင်းစစ် ဆေးတိုင်ပင်၍ YPDF မှ တာဝန်ယူကာ သက်ဆိုင်ရာ အထက်အဖွဲ့အစည်းထံသို့ လွှဲပြောင်းပေးပို့ခဲ့ပြီဖြစ်ကြောင်း အသိပေးသည်။

မကွေးတိုင်း၊ ဂန့်ဂေါမြို့နယ်အတွင်း နယ်မြေစုံစမ်းရန် အရပ်ဝတ်ဖြင့် ထွက်လာသည့် အကြမ်း ဖက်စစ်ကောင်စီတပ်သားနှစ်ဦးကို ဖမ်းမိကြောင်း MPDF- GANGAW က ထုတ်ပြန်သည်။

ဖြစ်စဥ်မှာ ဧပြီ ၂၁ ရက် နံနက် ၉ နာရီခန့်တွင် ကင်းပုန်းဝပ်နေသော MPDF တပ်ဖွဲ့ဝင်များက အရပ်သားဟန်ဆောင်လာသော စစ်ကောင်စီတပ်သားနှစ်ဦးကို စစ်ဆေးရာမှ ဖမ်းဆီးနိုင်ခဲ့ခြင်း ဖြစ်သည်။

စစ်ဆေးရာတွင် ၎င်းတို့ နှစ်ဦးစလုံးမှာ တပ်မ (၂၂) လက်အောက်ခံ ခမရ (၂၀၄)မှ ဖြစ်သည်။

သားငယ် ဆိုသည့် တပ်သားများ ကိုယ်ပိုင်နံပါတ် (တ) ၅၄၄၈၈၈၊ လုပ်သက် (၄)နှစ်နှင့် နေရပ်မှာ ပဲခူးမြို့မှ ဖြစ်သည်။

Public Service Announcement

Public Service Announcement

ကျန်တစ်ဦးဖြစ်သည့် တပ်သား လပြည့် ကိုယ်ပိုင်နံပါတ် (တ)၅၆၅၃၆၇၊ လုပ်သက် (၂)နှစ်နှင့် နေရပ်မှာ ရန်ကုန် မဂ်လာဒုံမြို့နယ်မှ ဖြစ်ကြောင်း စစ် lဆေးမှုအရ သိရသည်။

အကြမ်းဖက်စစ်တပ်၏ ခမရ (၂၀၄) တပ်သည် ကလေးမြို့ဘက်မှ ဂန့်ဂေါ ဘက်သို့ စစ်ကြောင်းထိုးလာရင်း ဟားခါးမြို့နှင့် ဂန့်ဂေါမြို့ကြားရှိ ဘုံးဇုန် ကျေးရွာအနီး တပ်စွဲထားရာမှ ဂန့်ဂေါမြို့နယ်အတွင်း နယ်မြေစုံစမ်းလေ့လာရန် ၎င်းတို့နှစ်ဦး ထွက်လာခြင်းဖြစ်သည်ဟု ပြည်သူ့တပ်ဖွဲ့ထံ ထွက်ဆိုသည်။

MPDF- GANGAW နှင့် မဟာမိတ်များဖြစ်ကြသော ဒေသခံ၊အနီးပတ်ဝန်းကျင်ကျေးရွာများမှ ပကဖ အဖွဲ့၊ YPDF တပ်ဖွဲ့တို့ဖြင့် ပူးပေါင်းစစ် ဆေးတိုင်ပင်၍ YPDF မှ တာဝန်ယူကာ သက်ဆိုင်ရာ အထက်အဖွဲ့အစည်းထံသို့ လွှဲပြောင်းပေးပို့ခဲ့ပြီဖြစ်ကြောင်း အသိပေးသည်။

ဆက်စပ်သတင်းများ

သတင်း

ပြည်သူအချို့က စစ်ကောင်စီရဲ့ လုပ်နည်းလုပ်ဟန်အပေါ် မေးခွန်းထုတ်

သတင်း

တနိုင်ငံလုံးအပစ်ရပ်စာချုပ်(NCA)အပေး လူထုရဲ့ ယုံကြည်ကိုးစားမှု လျော့နည်းကျဆင်းခဲ့ကြောင်း နေပြည်တော်မှာ ကျင်းပတဲ့ NCA စာချုပ်ချုပ်ဆိုမှု ၁၁နှစ်မြောက်နှစ်ပတ်လည် အခမ်းအနားမှာ ရှမ်းပြည်ပြန်လည်ထူထောင်ရေးကောင်စီ(RCSS)ကိုယ်စားလှယ် ဗိုလ်မှူးကြီးစိုင်းငင်းက ပြောပါတယ်။

သတင်း

ထိုင်းနိုင်ငံရောက် မြန်မာလုပ်သားတွေအနေနဲ့ မိသားစုထံ ၃လစာငွေလွှဲပို့ထားသူတွေကို မည်သူမည်ဝါဖြစ်ကြောင်းသက်သေခံလက်မှတ် (CI) ထုတ်ပေးရေးစခန်း ၅ခုပြန်ဖွင့်ပြီး လုပ်ပေးသွားမယ်လို့ စစ်အုပ်စုကထုတ်ပြန်ပါတယ် ။

သတင်း

ရန်ကုန်မြို့မှာ စည်ကားကြောင်းပြသဖို့ စစ်ကောင်စီက စျေးပွဲတော်တွေ အဆက်မပြတ်စီစဉ်နေပြီး လူငယ်တွေကို စောင့်ကြည့်ဖို့ ညွှန်ကြားချက်ထုတ်ထားကြောင်း လူထုနွေဦးက စုံစမ်းသိရပါတယ်။

Facebook