ကေအဲန်ယူ တပ်မဟာ ၁ ဘီးလင်းမြို့နယ် လေးကေဒေသဘက်မှာ ဒီကနေ့မနက်ပိုင်းက စစ်ကောင်စီက လေကြောင်းတိုက်ခိုက်ခဲ့တယ်လို့ လေးကေဒေသတွင်းမှာရှိတဲ့ ဒေသခံတစ်ဦးက ပြောပါတယ်။
ဘီးလင်းမြို့နယ် လေးကေနဲ့ ဝင်းတာပန်ကျေးရွာမှာရှိတဲ့ စစ်ကောင်စီရဲ့ စခန်းနှစ်ကို တပ်မဟာ ၁ နယ်မြေအတွင်းကနေ ဆုတ်ခွာပေးဖို့ ကေအဲန်ယူ တပ်မဟာ ၁ က အသိပေးပြီးတဲ့နောက်ပိုင်း စစ်ရေးတင်းမာမှုတွေ ပိုမိုဖြစ်ပွားလာခဲ့တာပါ။
တပ်မဟာ ၁ လေးကေဒေသဘက်မှာ ဗုံးကြဲတိုက်ခိုက်မှုကြောင့် ကျေးရွာအတွင်းက နေအိမ်တချို့ မီးလောင်တာတွေရှိနေပြီး ဒီကနေ့ နေ့လည်ပိုင်းအချိန်အထိ ဗုံးကြဲမှုတွေ ရှိနေတုန်းပဲလို့ ဒေသခံတစ်ဦးထံကနေ သိရပါတယ်။
စစ်ကောင်စီက လေးကေစခန်းနဲ့ ဝင်းတာပန်စခန်းဘက်ကို စစ်ရေးအင်အားတိုးချဲ့မှုတွေလုပ်ဆောင်လာခဲ့သလို နယ်ခြားစောင့်တပ် (BGF)တပ်ဖွဲ့တွေကလည်း ဖားအံမြို့နယ်အတွင်းက ဒေသခံအရပ်သားတွေကို ပေါ်တာဆွဲခေါ်ပြီး အဲ့ဒီစခန်းနှစ်ခုဘက်ကို စစ်ရေးအင်အားတွေ ပို့ဆောင်လာနေတာ ဖြစ်ပါတယ်။
Public Service Announcement
