စစ်အာဏာရှင်ကိုဆန့်ကျင်ပြီး CDM ပြုလုပ်ကာ ပြည်သူ့ရင်ခွင်ခိုလှုံလာသော စစ်သားနှင့် ရဲတပ်ဖွဲ့ဝင်များအတွက် အားကစားပြိုင်ပွဲကျင်းပပေးခြင်းနှင့် ဂုဏ်ပြုညစာစားပွဲ ပြုလုပ်ပေးခဲ့သည့် မှတ်တမ်းဓာတ်ပုံများကို အမျိုးသားညီညွတ်ရေးအစိုးရ ၊ကာကွယ်ရေးဝန်ကြီးဌာနက ထုတ်ပြန်လိုက်သည်။
အမျိုးသားညီညွတ်ရေးအစိုးရတာဝန်ရှိသူများနှင့် ပြည်သူ့ရင်ခွင်ခိုလှုံလာသော ပြည်သူ့သားကောင်း တပ်သား၊ရဲများနှင့် တွေ့ဆုံပွဲကိုသင်္ကြန်ကာလ ဧပြီ ၁၂ရက်နှင့် ဧပြီ ၁၃ရက်တို့တွင် ပြုလုပ်ခဲ့သည်ဟု ယနေ့ (မေ ၂ရက်)တွင် ထုတ်ပြန်သည်။
CDM ပြုလုပ်လာသူများကို ပြည်သူ့သားကောင်းများဟု အမျိုးသားညီညွတ်ရေးအစိုးရက ညွှန်းဆိုထားသည်။
ဘောလုံးပြိုင်ပွဲနှင့် ခြင်းခတ်ပြိုင်ပွဲများအပြင် အတာသင်္ကြန်အမှတ်တရ သပြေခက်များနှင့်ရေပတ်ခြင်း၊ မုန့်လုံးရေပေါ်လုံးခြင်းများကို ပြုလုပ်ခဲ့ကြပြီး CDM ပြုလုပ်လာသူများမှာလည်း ပျော်ရွှင်ပေါ့ပါးနေကြသည့်ဟန်ပန် တွေ့ရသည်။
Public Service Announcement
လွတ်မြောက်နယ်မြေတစ်နေရာတွင် ပြုလုပ်ခဲ့သည့် အဆိုပါပွဲကို အမျိုးသားညီညွတ်ရေးအစိုးရ ယာယီသမ္မတကြီးဒူဝါလရှီးလနှင့်ကာကွယ်ရေးဝန်ကြီး ဦးရည်မွန်တို့က ဂုဏ်ပြုသဝဏ်လွှာပေးပို့ခဲ့သည်။
