စစ်ကောင်စီတပ်က တစ်ရွာလုံးနီးပါး မီးရှို့ဖျက်ဆီးသွား၍ လူဦးရေထောင်နှင့်ချီ အိုးမဲ့အိမ်မဲ့ဖြစ်ခဲ့သည့် ကျေးရွာကို အရာတော်မြို့နယ် ပြည်သူ့အုပ်ချုပ်ရေးအဖွဲ့က ကျပ်သိန်း၂၀ ထောက်ပံ့မည်ဖြစ်ပြီး ပြည်သူလူထုအနေဖြင့်လည်း ဝိုင်းဝန်ကူညီပေးကြရန် အကူအညီတောင်းခံသည်။
အိမ်ခြေ ၅၀၀ခန့်ရှိသော အရာတော်မြို့နယ် မလဲသာရွာသည် အကြမ်းဖက်စစ်ကောင်စီတပ်၏ မီးရှို့ဖျက်ဆီးခြင်းခံရပြီး ဒေသခံများ အိုးမဲ့အိမ်မဲ့ဖြစ်နေသည်ဟု အရာတော်မြို့နယ် ပြည်သူ့အုပ်ချုပ်ရေးအဖွဲ့က ယနေ့(မေ ၄ ရက်)ထုတ်ပြန်သည်။
“စစ်မိစ္ဆာတွေ ရှို့တဲ့မီးကြောင့် အိမ်ခြေ (၅၀၀) ကျော်၊ တစ်ရွာလုံးနီးပါး ပြာကျခဲ့ပြီး လူဦးရေ ထောင်ချီ အိုးမဲ့အိမ်မဲ့ ဖြစ်ခဲ့ရပါပြီ”ဟု အရာတော်မြို့နယ်ပြည်သူ့အုပ်ချုပ်ရေးအဖွဲ့က အသိပေးထားသည်။
ထို့ကြောင့် အဖွဲ့၏အရေးပေါ်ရံပုံငွေထဲမှ သိန်း၂၀ကိုမလဲသာရွာ မီးဘေးသင့်ပြည်သူများအတွက် ခွဲဝေထောက်ပံ့သွားမည်ဖြစ်ပြီး ဒေသအနှံ့မှ ပြည်သူလူထုအနေဖြင့်လည်း ဝိုင်းဝန်းကူညီပေးရန် အကူအညီတောင်းသည်။
မလဲသာကျေးရွာမှ ဒေသခံများအား ကူညီလှူဒါန်းလိုပါက အောက်ပါ link
m.me/ayadawpeoplesadministration
https://www.facebook.com/ayadawpeoplesadministration/
မှတစ်ဆင့် လှူဒါန်းနိုင်ပါသည်။