အာဏာရှင်စနစ်အမြစ်ဖြတ်ရေး အတူတကွ ညီညွတ်စွာကြိုးစားနေကြောင်း ဗမာပြည်သူ့လွတ်မြောက်ရေးတပ်တော်(BPLA)က ပြည်သူ့ကာကွယ်ရေးတပ်မတော်(PDF)တည်ထောင်ခြင်း တစ်နှစ်ပြည့်တွင် သဝဏ်လွှာပေးပို့သည်။
ပြည်သူ့ကာကွယ်ရေးတပ်မတော်(PDF)သည် ယနေ့တွင် တည်ထောင်ခြင်း တစ်နှစ်ပြည့်ခဲ့ပြီး BPLA သည် နွေဦးတော်လှန်ရေးကြီးပြီးဆုံးအောင်မြင်၍ ဖက်ဒရယ်ဒီမိုကရေစီပြည်ထောင်စုကြီးပေါ်ထွန်းလာချိန်အထိ PDF နှင့်အတူ လက်တွဲကာ စစ်အာဏာရှင်စနစ်ကို အဆုံးအထိ တိုက်ပွဲဝင်သွား ဖြစ်ကြောင်း သဝဏ်လွှာပေးပို့သည်။
အမျိုးသားညီညွတ်ရေးအစိုး NUG ကာကွယ်ရေးဝန်ကြီးဌာနသည် တစ်နှစ်တာအတွင်း တပ်ရင်းတပ်ဖွဲ့ပေါင်း ၂၅၇ရင်း ဖွဲ့စည်းတည်ထောင်ခဲ့ပြီး ပြည်သူ့ကာကွယ်ရေးအဖွဲ့(ပကဖ)များကို မြို့နယ်ပေါင်း ၂၅၀တွင် စနစ်တကျစုဖွဲ့နိုင်ခဲ့သည်။
ထို့အပြင် ဒေသအခြေစိုက် ကာကွယ်ရေးအဖွဲ့များ၊ မြို့ပြပြောက်ကျားအဖွဲ့များ ၄၀၀ကျော်နှင့်လည်း ဟန်ချက်ညီစွာတိုက်ပွဲဖော်ဆောင်ရန် ချိတ်ဆက်နိုင်ခဲ့ပြီးဖြစ်သည်ကို လေးစားဂုဏ်ယူဖွယ် သိရှိရကြောင်း BPLAက ထုတ်ပြန်သည်။
Public Service Announcement
BPLAသည်လည်း အာဏာရှင်စနစ်နှင့် လူမျိုးကြီးဝါဒတိုက်ဖျက်ရေး၊ ဖက်ဒရယ်ဒီမိုကရေစီပြည်ထောင်စုထူထောင်ရေးတို့ကို ဦးထိပ်ပန်ဆင်တိုက်ပွဲဝင်နေသည့် လက်နက်ကိုင်တော်လှန် ရေးအဖွဲ့အစည်းဖြစ်ကြောင်း ထုတ်ပြန်သည်။
