ပြည်သူ့ကာကွယ်ရေးတပ်ဖွဲ့ဝင်ရဲဘော်တစ်ဦး ကျဆုံးခဲ့ရ
စစ်ကိုင်းတိုင်း ထီးချိုင့်မြို့နယ်တွင် အကြမ်းဖက်စစ်ကောင်စီယာဥ်တန်းအား
ပြည်သူ့ကာကွယ်ရေးတပ်ဖွဲ့က ပဒေသာမိုင်းဖြင့် တိုက်ခိုက်ခဲ့ရာ စစ်ကောင်စီတပ်သား ၁၂ဦးသေဆုံးပြီး ၁၀ဦးထက်မနည်းဒဏ်ရာရရှိနိုင်ကြောင်း Tigyaing Revolution -TRက သတင်းထုတ်ပြန်ထားသည်။
ယနေ့(မေလ၅ရက်)နံနက် ၈နာရီခန့်က ထီးချိုင့်-မြောက်ပြင်လမ်းအတိုင်းလာသည့် ပျူစောထီးအချို့ ပူးတွဲလိုက်ပါလာသော စစ်ကောင်စီယာဥ်နှစ်စီးကို ထီးချိုင့်မြို့နယ် ပြည်သူ့ကာကွယ်ရေးတပ်က ပဒေသာမိုင်း ရှစ်လုံးဖြင့် တိုက်ခိုက်ခဲ့ခြင်းဖြစ်သည်။
မိုင်းရှစ်လုံးဖောက်ခွဲတိုက်ခိုက်ပြီးနောက် (၄၀)မမ ဗုံးသီး၊ လက်နက််ငယ်များဖြင့် တိုက်ခိုက်ခဲ့ရာ ပစ်မှတ်ကို ထိထိမိမိ ထိခဲ့ကြောင်း၊ စစ်ကောင်စီနှင့် ပျူစောထီး ၁၂ဦး သေဆုံးကာ ၁၀ဦးထက်မနည်း ထိခိုက်ဒဏ်ရာရနိုင်ကြောင်း ထီးချိုင့်မြို့နယ် ပြည်သူ့ကာကွယ်ရေးတပ်၏ သတင်းထုတ်ပြန်ရေးစာမျက်နှာ Tigyaing Revolution -TRက သတင်းထုတ်ပြန်ထားသည်။
Public Service Announcement
ထို့အပြင် စစ်ကောင်စီဘက်က ပစ်ခတ်သောလက်နက်ကြီးကျည်ထိမှန်၍ ပြည်သူ့ကာကွယ်ရေးတပ်ဖွဲ့ဝင် ရဲဘော်တစ်ဦး ကျဆုံးခဲ့ရသည်ဟု ဆက်လက်ထုတ်ပြန်ထားသည်။
အကျအဆုံးများဖြင့် ပြန်ဆုတ်သွားသော စစ်ကောင်စီတပ်သည် ညနေဘက်တွင် ထီးချိုင့်မြို့တွင်းသို့ပြန်ဝင်ရောက်လာပြီး ကင်းပုန်းဝပ်နေသည်ဟု ဒေသခံများက ပြောသည်။
