စစ်ကိုင်းတိုင်း၊မုံရွာ-မန္တလေးလမ်းမကြီးပေါ်တွင်အကြမ်းဖက်စစ်ကောင်စီယာဥ်တစ်စီး တိုက်ခိုက်ခံရပြီး နှစ်ဦးသေဆုံးပြီး သုံးဦးပေါင်ဖြတ်ရကြောင်း PDF- South Monywa ကပြောသည်။
ယမန်နေ့ (မေလ ၁၃ ရက်) နေ့လယ်ပိုင်းက မုံရွာ – မန္တလေးလမ်းမကြီး၊ မြေနဲရွာအနီး၌ အကြမ်းဖက်စစ်တပ်နှင့်ရဲများလိုက်ပါလာသည့်FAW ကားတစ်စီးအား မိုင်းသုံးလုံး တစ်ပြိုင်တည်း ဖောက်ခွဲတိုက်ခိုက်ခဲ့ခြင်းဖြစ်ကြောင်း PDF-South Monywa က ပြောသည်။
အကြမ်းဖက်စစ်တပ်မှ ၁၅ ဦးခန့်ထိခိုက်ဒဏ်ရာရပြီး၎င်းတို့အနက် ၃ ဦး ပေါင်ထိခိုက်၊ ၂ ဦး လည်ပင်းနေရာများ ထိခိုက်သွားသည်ဟု သတင်းရကြောင်း၊ လက်နက်တစ်ခုလည်း ပျက်စီးသွားသည်ဟုသိရကြောင်း PDF-South Monywa က ပြောသည်။
“သတင်းအတိအကျရလို့ ကျွန်တော်တို့ရဲဘော်တွေစောင့်ပြီး မိုင်းဆွဲတိုက်ခိုက်ခဲ့တာပါ။ အယောက် ၄၀ ကျော်လောက်ပါမယ်ဗျ။ မိုင်းဆွဲပြီးတော့ သူတို့ထုံးစံအတိုင်းမိုင်းဆွဲတယ်ထင်တဲ့ဘက်ကိုရမ်းသန်းပစ်ခတ်သွားပါတယ်။ကျွန်တော်တို့ရဲဘော်တွေအထိအခိုက်မရှိပြန်လည်ဆုတ်ခွာနိုင်ခဲ့ပါတယ်။ ညနေပိုင်းစုံစမ်းသိရှိရသလောက်ကတော့၁၅ယောက်လောက်ထိတယ်လို့ကြားသိရတယ်။ ၃ယောက်ပေါင်ဖြတ်လိုက်ရပြီး၂ယောက်လည်ပင်းထိသွားတယ်။အဲဒီ၂ယောက်ကသေတယ်ကြားတယ်။သေနတ်တစ်လက်လည်းပျက်စီးသွားတယ်ကြားတယ်”ဟု PDF-South Monywa တာဝန်ရှိသူက ပြောသည်။
Public Service Announcement
မုံရွာ-မန္တလေးလမ်းမကြီးပေါ်တွင် အကြမ်းဖက်စစ်ကောင်စီတပ်ကားများ မကြာခဏ တိုက်ခိုက်ခံရလေ့ရှိပြီး မေလ ၁၁ ရက်နေ့ကလည်း ချောင်းဦး-ခင်မွန်ကြားတွင် အကြမ်းဖက်စစ်တပ်နှင့်ရဲများလိုက်ပါလာသည့် ယာဥ်တစ်စီးတိုက်ခိုက်ခံခဲ့ရသေးသည်။
