Connect with us

Hi, what are you looking for?

LuduNwayOo

News

စစ်ကောင်စီလက်အောက်ခံ ဝန်ထမ်းများနုတ်ထွက်ရန် တအာင်းဒေသကြားကာလ ပြည်သူ့အုပ်ချုပ်ရေးအဖွဲ့ တိုက်တွန်း

Non-CDM ဝန်ထမ်းများအနေဖြင့် CDMတွင် ပါဝင်နေသော ပြည်သူ့ဘက်တော်သား ဝန်ထမ်းများကို နည်းလမ်းအမျိုးမျိုးဖြင့် လိမ်လည်လှည့်ဖြားစည်းရုံးခြင်း၊ ဖိအားပေးခြင်းနှင့် ခြိမ်းခြောက်ခြင်းတို့ကို မပြုလုပ်ရန် အကြိမ်ကြိမ်သတိပေးခဲ့ပြီးဖြစ်သည်ဟုဆိုသည်။

▪️သတိပေးချက်မလိုက်နာပါက ဖြစ်လာမည့် အကျိုးဆက် ကာယကံရှင်တာဝန်သာဖြစ်ဟု ဖော်ပြ

တအာင်းဒေသတွင်းရှိ မြို့နယ်များအားလုံးမှ အကြမ်းဖက်စစ်တပ်၏ လက်အောက်ခံ ဝန်ကြီးဌာန အသီးသီးတွင် တာဝန်ထမ်းဆောင်နေသော အမှုထမ်း၊ အရာထမ်းများအားလုံး မိမိစိတ်ဆန္ဒဖြင့် တာဝန်၊ရာထူးမှ နုတ်ထွက်ရပ်နားပြီး အကြမ်းမဖက်သာ တော်လှန်ရေးလှုပ်ရှားမှု CDMတွင် ပူးပေါင်းပါဝင်ကြရန် တောင်းဆိုတိုက်တွန်းကြောင်း တအာင်းဒေသကြားကာလပြည်သူ့ အုပ်ချုပ်ရေးအဖွဲ့က ယနေ့ ထုတ်ပြန်သည်။

ယခုအချိန်တွင် အကြမ်းဖက်စစ်တပ်က စာသင်ကျောင်းများ၊ တက္ကသိုလ်ကျောင်းများ ဖွင့်လှစ်ရန် ကြိုးပမ်းနေမှုသည် စစ်အာဏာရှင်၏ စစ်ကျွန်ပညာရေးကို အသက်သွင်းပြီး CDM အင်အားစုများကို အင်အားလျော့နည်းစေရန် ဖြိုခွဲလိုခြင်းပင်ဖြစ်ကြောင်း ဖော်ပြထားသည်။

ထို့ပြင် ၎င်းတို့အား ပြည်သူလူထုမှ အသိအမှတ်ပြုသယောင် ဖန်တီး၍ ပြည်တွင်း၊ပြည်ပနှင့် နိုင်ငံတကာတို့ကို လှည့်စားပြီး နိုင်ငံရေးအရ အမြတ်ထုတ်လိုခြင်းပင်ဖြစ်သည်ဟုလည်း ထုတ်ပြန်သည်။

ထို့ကြောင့် အကြမ်းဖက်စစ်တပ်မှ ဖွင့်လှစ်သော တက္ကသိုလ်ကျောင်းများ မတက်ကြရန် တအာင်းဒေသ ကြားကာလ ပြည်သူ့အုပ်ချုပ်ရေးအဖွဲ့က ကျောင်းသူ ကျောင်းသားများကို အလေးအနက်ထား တိုက်တွန်းနှိုးဆော်ကြောင်း ဖော်ပြသည်။

Non-CDM ဝန်ထမ်းများအနေဖြင့် CDMတွင် ပါဝင်နေသော ပြည်သူ့ဘက်တော်သား ဝန်ထမ်းများကို နည်းလမ်းအမျိုးမျိုးဖြင့် လိမ်လည်လှည့်ဖြားစည်းရုံးခြင်း၊ ဖိအားပေးခြင်းနှင့် ခြိမ်းခြောက်ခြင်းတို့ကို မပြုလုပ်ရန် အကြိမ်ကြိမ်သတိပေးခဲ့ပြီးဖြစ်သည်ဟုဆိုသည်။

သို့ဖြစ်၍ တအာင်းဒေသရှိ Non-CDM ဝန်ထမ်းများ အနေဖြင့် သတိပေးချက်များ လိုက်နာ ဆောင်ရွက်ခြင်း မရှိဘဲ အကြမ်းဖက်စစ်ကောင်စီတပ်အောက်တွင် ဆက်လက်တာဝန်ထမ်း ဆောင်နေပါက ဖြစ်ပေါ်လာမည့် ပြဿနာ အကျိုးဆက်သည် ကာယကံရှင်၏ တာဝန်သာဖြစ်ကြောင်း

တအာင်းဒေသ ကြားကာလပြည်သူ့အုပ်ချုပ်ရေးအဖွဲ့က ထုတ်ပြန်ခဲ့သည်။

You May Also Like

မေးမြန်းခန်း

စစ်ကောင်စီဘက်က တပ်ဖွဲ့ဝင်​တွေသေဆုံးမှုရှိခဲ့ပြီး လက်နက်မျိုးစုံ ၄၀ ကျော်ကို ချင်းပူးပေါင်းတပ်ဖွဲ့က သိမ်းပိုက်ခဲ့ပါတယ်။

သတင်း

ယမန်နေ့ မွန်းလွဲပိုင်းက ရေဦးမြို့ပေါ်မှထွက်လာသော စစ်ကောင်စီတပ်ကို တော်လှန်ရေးအင်အားစုများက ဒရုန်းဖြင့်တိုက်ခိုက်ခဲ့သေးသည်။

သတင်း

စစ်ကောင်စီလက်အောက်ခံ စစ်ရေးပစ်မှတ်နှစ်ခုအား ပစ်ခတ်တိုက်ခိုက်မှုများတွက် စစ်ကောင်စီဘက်မှ ထိခိုက်မှုရှိနိုင်သော်လည်း အတည်ပြုစုံစမ်းဆဲဖြစ်ကြောင်း Eagle Force က အသိပေးထားသည်။

သတင်း

ယမန်နေ့ (ဖေဖော်ဝါရီ ၈ရက်)က ရေဦးမြို့မှထွက်လာသော အင်အား ၉၀ကျော်ပါ စစ်ကောင်တပ်စစ်ကြောင်းကို ကံသစ်ကျေးရွာနှင့် ခင်ဦးမြို့ကြားတွင် ဒရုန်းဖြင့် ဗုံးသီးချတိုက်ခိုက်ခဲ့ကြောင်း RTGF ပြန်ကြားရေးတာဝန်ခံက ပြောသည်။