Connect with us

Hi, what are you looking for?

LuduNwayOo

News

အာဆီယံဘုံဆုံးဖြတ်ချက် ၅ ရပ်ကို အရေးပေါ်အကောင်အထည်ဖော်ရန် Quad ခေါင်းဆောင်များ ပူးတွဲထုတ်ပြန်

စစ်အာဏာသိမ်းမှုကြောင့် ဖြစ်ပေါ်လာသော မြန်မာ့အကျပ်အတည်းသည် ဆိုးရွားသော လူသား ချင်းစာနာမှုဘေးဒုက္ခနှင့် ဒေသတွင်းတည်ငြိမ်မှုစိန်ခေါ်မှုများကို ဦးတည်ဖြစ်ပေါ်စေကြောင်း Quad ခေါင်းဆောင်များက ရှုမြင်သည်။

(Quad ​​​ခေါင်း​ဆောင်များ။ ။ဓါတ်ပုံ-Narendra Modi/twitter)

အာဆီယံဘုံဆုံးဖြတ်ချက် ၅ ရပ်ကို အရေးပေါ်အကောင်အထည်ဖော်ရန် Quad အင်အားကြီးလေးနိုင်ငံခေါင်းဆောင်များက ယနေ့ ပူးတွဲတိုက်တွန်းသည်။

အမေရိကန်သမ္မတဘိုင်ဒင်၊ ဩစတြေးလျဝန်ကြီးချုပ် အန်တိုနီ အယ်ဘိန်း၊ ဂျပန်ဝန်ကြီးချုပ် ကီရှီဒါနှင့် အိန္ဒိယဝန်ကြီးချုပ် မိုဒီ တို့၏ Quad ထိပ်သီးဆွေးနွေးပွဲအပြီးထုတ်ပြန်သော ပူးတွဲ ကြေညာချက်၌ မြန်မာ့အကျပ်အတည်းကို နက်ရှိုင်းစွာဆက်လက်စိုးရိမ်ပူပန်ကြောင်း ဖော်ပြ သည်။

စစ်အာဏာသိမ်းမှုကြောင့် ဖြစ်ပေါ်လာသော မြန်မာ့အကျပ်အတည်းသည် ဆိုးရွားသော လူသား ချင်းစာနာမှုဘေးဒုက္ခနှင့် ဒေသတွင်းတည်ငြိမ်မှုစိန်ခေါ်မှုများကို ဦးတည်ဖြစ်ပေါ်စေကြောင်း Quad ခေါင်းဆောင်များက ရှုမြင်သည်။

Quad ခေါင်းဆောင်များသည် မြန်မာနိုင်ငံ၌ အကြမ်းဖက်မှုများ ချက်ချင်းရပ်တန့်ရေး၊ နိုင်ငံခြားသားများအပါအဝင် နိုင်ငံရေးအကျဉ်းသားများအားလုံးကို ပြန်လွှတ်ပေးရေး၊ အပြုသဘောဆောင် ဆွေးနွေးညှိနှိုင်းမှုများဖြစ်ပေါ်ရေး၊ လူသားချင်းစာနာမှုအကူအညီပေးနိုင်ရေးနှင့် ဒီမိုကရေစီလမ်းကြောင်းပေါ် အမြန်ဆုံးပြန်လည်ရောက်ရှိရေး တို့ကို ထပ်လောင်းတောင်းဆိုကြောင်း ထုတ်ပြန်သည်။

Public Service Announcement

Public Service Announcement

ထို့အပြင် အထက်ပါအင်အားကြီးခေါင်းဆောင်လေးဦးသည် မြန်မာ့အရေးအဖြေရှာရေး အာဆီယံ ဦးဆောင်သည့်ကြိုးပမ်းအားထုတ်မှုများကို အားပေးထောက်ခံကြောင်း ထပ်လောင်းအတည်ပြုခဲ့ ပြီး အာဆီယံဥက္ကဌ၏ အထူးကိုယ်စားလှယ်၏ အခန်းကဏ္ဍကိုလည်း ကြိုဆိုထောက်ခံကြောင်း ပူးတွဲထုတ်ပြန်သည်။

ဂျပန်နိုင်ငံ၊ တိုကျိုမြို့၌ Quad ခေါင်းဆောင်များ တွေ့ဆုံနေချိန်တွင် အမျိုးသားညီညွတ်ရေးအစိုးရ၊ နိုင်ငံခြားရေးဝန်ကြီးဌာနက လက်ရှိမြန်မာနိုင်ငံ၏ အကျပ်အတည်းနှင့် ဒီမိုကရေစီအရေးတို့အတွက် နှောင့်နှေးကြန့်ကြာမှုမရှိဘဲ အမြန်ဆုံးအကောင်အထည်ဖော်ဆောင်ရွက်ပေးနိုင်ရန် တိုက်တွန်းထုတ်ပြန်သည်။

ဆက်စပ်သတင်းများ

နိုင်ငံတကာ

တိုက်ပွဲတွေက ထိုင်းပိုင်နက်နဲ့ အရမ်း နီးနီးကပ်ကပ် ဖြစ်ပွားခဲ့ပြီး ဒီလို ကိစ္စမျိုးနဲ့ ပတ်သက်ရင် အာဆီယံကပါ ပါဝင်ကိုင်တွယ် အဖြေရှာပေးသင့်တယ်လို့ နစ်ခွန်ဒက်ဂျ်က ဆိုပါတယ်။

သတင်း

မြန်မာနိုင်ငံမှာ နိုင်ငံသားတွေ၊ အာဆီယံ အဖွဲ့ဝင်တွေ အပါအဝင် နိုင်ငံခြားသားတွေ အားလုံးရဲ့ လုံခြုံဘေးကင်းရေးကို အလေးထား ဆောင်ရွက်ပေးဖို့ကလည်း အထူးအရေးပါတဲ့ တောင်းဆိုမှု တစ်ခုလို့ ထုတ်ပြန်ချက်မှာ ဖော်ပြထားခဲ့ပါတယ်။

နိုင်ငံတကာ

ဂါဒီဟာ ၂၀၂၂ မှာ အစ္စရေး လွှတ်တော်ထဲ ရွေးကောက်ခံရပြီး အဓိက အတိုက်အခံခေါင်းဆောင် ဘန်နီဂန့်ဇ်ရဲ့ အမျိုးသား ညီညွတ်ရေးပါတီ (NUP)မှာ ပါဝင်ခဲ့ပေမယ့် စစ်ပွဲကာလ အစိုးရထဲကို ဝန်ကြီးချုပ် နေတန်ညာဟုက အားကိုးတကြီး ခေါ်ယူခန့်အပ် ခံခဲ့ရတာ ဖြစ်ပါတယ်။

နိုင်ငံတကာ

အစ္စရေးရဲ့ လွန်ကဲတဲ့ လုပ်ရပ်တိုင်းမှာ တန်ပြန် သက်ရောက်မှုတွေ ရှိနိုင်ကြောင်း၊ အဲဒီအတွက် ဖြစ်နိုင်ခြေ ရှိသမျှ တုံ့ပြန်မှုတိုင်းကို တွေးထားသင့်ကြောင်းလည်း ကာဆမ်က သတိပေးသွားပါတယ်။