လူသားချင်းစာနာမှုဆိုင်ရာ အကူအညီများ စဉ်ဆက်မပြတ်ပို့ဆောင်နိုင်ရေး လိုအပ်ဟု ဒိန်းမတ်သံရုံးနှင့် WFP တို့ ထပ်လောင်းတောင်းဆို

●ဒိန်းမတ်သံရုံးအကြီးအကဲ ကရင်နီစစ်​ဘေး​ရှောင်များရှိရာသို့သွား​ရောက်​လေ့လာ

နိုင်ငံအတွင်းရှိ လူသားချင်းစာနာမှုဆိုင်ရာ အကူအညီများကို စဉ်ဆက်မပြတ် သွား‌ရောက်‌ပေးအပ်နိုင်ရန်လိုအပ်ကြောင်း ဒိန်းမတ်သံရုံးနှင့် ကမ္ဘာ့စားနပ်ရိက္ခာအစီအစဉ်(WFP) တို့က ထပ် မံ တောင်းဆိုလိုက်သည်။

ဒိန်းမတ်သံရုံးနှင့် WFP တို့သည် ကယား(ကရင်နီ)ပြည်နယ်မှ နေရပ်စွန့်ခွာလာခဲ့ရသော တိုက်ပွဲရှောင် ပြည်သူများကို WFP က အရေးပေါ် စားနပ်ရိက္ခာများ ထောက်ပံ့ပေးနေသည့် ရှမ်းပြည်နယ် တောင်ပိုင်းရှိနေရာများသို့ အတူသွားရောက်လေ့လာအပြီးတွင် သတင်းထုတ်ပြန်တောင်းဆိုခြင်းဖြစ်သည်။

“ကယားပြည်နယ်မှာ ဖြစ်ပွားနေတဲ့ ပဋိပက္ခတွေကြောင့် နေရပ်စွန့်ခွာလာကြရတဲ့ ပြည်သူတွေရဲ့ ဒုက္ခကို မြင်ရတာ ကျွန်တော်စိတ်မကောင်းဖြစ်မိပါတယ်။ သူတို့အားလုံးက အသက်မွေးဝမ်ကျောင်းလုပ်ငန်းတွေ ပြန်လည်ထူထောင်နိုင်ဖို့အတွက် ကိုယ့်အိမ် ကိုယ့်ရွာကို ဘေးကင်းကင်းနဲ့ ပြန်ချင်နေကြတယ်” ဟု မြန်မာနိုင်ငံဆိုင်ရာ ဒိန်းမတ်သံရုံးအကြီးအကဲ Mr Anders Graugaard က ပြောသည်။

Public Service Announcement

ဒိန်းမတ်သည် မြန်မာနိုင်ငံအတွင်း အ‌ရေးပေါ်ကယ်ဆယ်ရေးလုပ်ငန်းများတွင် အသုံးပြုရန်အတွက် ယခုနှစ်အစောပိုင်းက WFP ကို ဒိန်းမတ်ခရိုနာ ၂၅ သန်း (အမေရိကန်ဒေါ်လာ ၃.၈သန်း) ပံ့ပိုးကူညီခဲ့သည်။

COVID-19 ကပ်ရောဂါနှင့် စစ်အာဏာသိမ်းပြီးနောက်ပိုင်း မြန်မာနိုင်ငံတွင် လူသားချင်းစာနာမှုဆိုင်ရာ အကူအညီများ လွန်စွာတိုးမြင့်လိုအပ်နေကြောင်း ဒိန်းမတ်သံရုံးက ထုတ်ပြန်သည်။

WFP သည် သွားရောက်ကူညီခွင့်ရရှိမှုအခြေအနေပေါ် မူတည်ပြီး မြန်မာနိုင်ငံတဝန်းလုံးက အရေးပေါ်အကူအညီလိုအပ်နေသူအားလုံးကို အကူအညီတွေတိုးမြှင့်ပေးသွားအပ်ဖို့ ကတိပြုထားသည်။

(ဒိန်းမတ် သံရုံးအကြီးအကဲနှင့် WFP မှတာဝန်ရှိသူအချို့က
ကရင်နီစစ်​ဘေး​ရှောင်စခန်းများသို့သွား​ရောက်လ့လာစဥ်။
ဓါတ်ပုံ-ဒိန်းမတ်သံရုံး)