စစ်တပ်မီးရှို့လို့မြိုင်မှ ​အိမ်မရှိ​တော့တဲ့ မီးသင့်ပြည်သူ​တွေကို​တော်လှန်​ရေးအဖွဲ့ ကသွား​ရောက်လှူဒါန်း

မကွေးတိုင်း၊မြိုင်မြို့နယ်ကစစ်ကောင်စီတပ် မီးရှို့ဖျက်ဆီးလို့ အိမ်ပေါင်းရာချီ မီးလောင်ကျွမ်းပျက်စီးခဲ့ရတဲ့ လက်ယက်မကျေးရွာကို မြိုင်မြို့နယ်ကျေးရွာများ တော်လှန်ရေးတပ်ဦး MVRF အဖွဲ့က စားနပ်ရိက္ခါနဲ့ အသုံးအဆောင်တွေ သွားရောက်လှူဒါန်းခဲ့ကြပါတယ်။

လက်ယက်မကျေးရွာက မီးဘေးသင့်ပြည်သူများအတွက် MVRF ရဲ့ အဖွဲ့ဝင်ကျေးရွာများက ဆန်၊ဆီ၊ဆား၊ဝါး၊အဝတ်အထည်၊ပန်းကန်၊ဆပ်ပြာ၊အသင့်စားအစားအစာများကို လှူဒါန်းပေးခဲ့ကြတယ်လို့ MVRF က ပြောပါတယ်။

“အခက်အခဲတွေကြားထဲကပဲကြိုးစားပြီးအတူတူဖေးမကူညီသွားနေရတာပါ”လို့ မြိုင်မြို့နယ်ကျေးရွာများ တော်လှန်ရေးတပ်ဦး MVRF အဖွဲ့တာဝန်ရှိသူက ပြောပါတယ်။

အကြမ်းဖက်စစ်တပ်ဟာ မေလအတွင်းက မြိုင်မြို့နယ်က ကျေးရွာအများအပြားကို မီးရှို့ဖျက်ဆီးခဲ့ကြပြီး လက်ယက်မကျေးရွာကို မေလ ၁၄ ရက်နေ့မှာ မီးရှို့ဖျက်ဆီးခဲ့ခြင်းဖြစ်ပြီး အိမ်ပေါင်း ၅၂၀ နီးပါး မီးလောင်ပျက်စီးခဲ့ရပါတယ်။

Public Service Announcement