▪️မလိုက်နာပါက နောက်ဆက်တွဲအကျိုးဆက်များ တာဝန်ယူမည်မဟုတ်ဟု ကြေညာ
ကရင်အမျိုးသားအစည်းအရုံး(KNU) အုပ်ချုပ်ရေးလုပ်ငန်းများကို အာဏာသိမ်းစစ်ကောင်စီက ဝင်ရောက်စွက် ဖက်မှုများ ရပ်တန့်ရန် KNUလက်အောက်ခံ ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၂)က ယနေ့ ထုတ်ပြန်ခဲ့ပြီး မလိုက်နာပါက နောက်ဆက်တွဲအကျိုးဆက်များ တာဝန်ယူမည်မဟုတ်ကြောင်း ကြေညာခဲ့သည်။
KNLA တပ်မဟာ(၂) တပ်မှူးများ၏ ၆လပတ် အစည်း အဝေးအပြီး ဇွန်လ ၂ရက် နေ့စွဲဖြင့် ထုတ်ပြန်ကြေညာခဲ့ခြင်းဖြစ်သည်။
KNU တောင်ငူခရိုင် တပ်မဟာ(၂) နယ်မြေအတွင်း ရှိနှင့်နေပြီးသော KNUအုပ်ချုပ်ရေးဆိုင်ရာ လုပ်ငန်းများနှင့် ဌာနဆိုင်ရာ လုပ်ငန်းများ (ပညာရေး၊ ကျန်းမာရေး၊ သဘာ၀ ပတ်ဝန်းကျင်နှင့် သယံဇာတ ထိန်းသိမ်းကာကွယ်ရေး၊ လူသားခြင်း စာနာထောက်ထားမှုဆိုင်ရာ အကူအညီပေးခြင်း၊ တရားစီရင်ရေး၊ သစ်တောနှင့် လယ်ယာကိစ္စရပ်များ၊ အခွန်တော်နှင့် ဘဏ္ဍာရေးဆိုင်ရာ ကိစ္စရပ်များ)အ၀၀တို့အား စစ်ကောင်စီမှ ဝင်ရောက်နှောက်ယှက်ခြင်းမပြုရန် ဖော်ပြထားသည်။
Public Service Announcement
ထို့ပြင် ပြည်သူလူထုများ၏ လုပ်ငန်းခွင် သွားလာရေးများနှင့် ကုန်စည်ရိက္ခာ၊ သယ်ယူပို့ဆောင်ရေးများအား စစ်ကောင်စီမှ နှောက်ယှက်ဟန့်တား စစ်ဆေးနေမှုများအားရပ်တန့် ထုတ်ပြန်သည်။
အထူးသဖြင့် စကခ(၂၀)မှူး ဗိုလ်မှူးချုပ် ကိုကိုလွင်မှ KNU အုပ်ချုပ်ရေးလုပ်ငန်းများတွင် ဝင်ရောက်စွက်ဖက်နှောက်ယှက်နေမှုများကို ရပ်တန့်ရန် အထူးသတိပေးလိုက်ပြီး ဆက်လက်လုပ်ဆောင်နေမည်ဆိုပါက နောင်ဖြစ်ပေါ်လာမည့် အကျိုးဆက်များအား တာဝန်ယူမည်မဟုတ်ဟု တပ်မဟာ(၂)မှ ထုတ်ပြန်ခဲ့သည်။
