ဆားလင်းကြီးတွင် မြို့နယ်ရဲစခန်းအပါအဝင် စစ်ကောင်စီတပ်စွဲထားသော နေရာအများအပြား လက်နက်ကြီးဖြင့် ပစ်ခတ်တိုက်ခိုက်ခံရ

စစ်ကိုင်းတိုင်း၊ ဆားလင်းကြီးမြို့နယ်တွင် မြို့နယ်ရဲစခန်းအပါအဝင် စစ်ကောင်စီတပ်စွဲထားသော နေရာအများအပြားအား လက်နက်ကြီးများဖြင့် ပစ်ခတ်တိုက်ခိုက်ခဲ့ကြောင်း Salingyi people Defence Force (S.P.D.F)က သတင်းထုတ်ပြန်သည်။

ယမန်နေ့ (ဇွန်လ ၅ ရက်) ည ၁၀နာရီခန့်က ဆားလင်းကြီးမြို့ပေါ်ရှိ မြို့မရဲစခန်းနှင့် အကြမ်းဖက်စစ်ကောင်စီတပ်စွဲထားသော တည်နေရာများကို လက်နက်ကြီးဖြင့် အချက်ရေ ၁၂၀ကျော် ပစ်ခတ်ခဲ့ကြောင်း၊ ထိုသို့ပစ်ခတ်မှုကြောင့် ဗိုလ်လေးအဆင့်ရှိသူ နှစ်ဦး၊ ရဲသုံးဦး ထိခိုက်
ဒဏ်ရာရရှိပြီး နှစ်ဦးမှာ ပြင်းထန်ကြောင်း SPDF က ပြောသည်။

စစ်ကောင်စီ တပ်စွဲထားသော ပြည်ခိုင်ဖြိုးရုံး၊ စခန်းလိုင်းခန်း၊ ဘောလုံးကွင်းဖ indoor စခန်းဘန်ကာများ ကင်းပုန်းရှိရာနေများ မြို့နယ်မှူးအိမ်ယာ နှင့်တခြားနေရာများသို့
အသီးသီး လက်နက်ကြီးများ ထိမှန် ကျရောက်ခဲ့သည်ဟု SPDFက ဆိုသည်။

ထိုစစ်ဆင်ရေး ကို မဟာမိတ်ညီနောင်များဖြစ်သောSalingyi people Defence Force (S.P.D.F)၊ ချင်းတွင်းဂဋန်ရာဇာBEDငညိုလက်နက်ကြီးအဖွဲ့၊ Salingyi G.Z၊ One Star Task Force(OSTF)၊ သမန်းကျားတပ်ဖွဲ့ ၊Y.P.F၊S.R.A၊C.D.F၊ သေမင်းတမန်ပျောက်ကျားအဖွဲ့၊ စစ်သူကြီးအဖွဲ့၊ တောဘုရင်၊ Killers United၊ Federal Democratic Revolution Force၊ Brother Defence Force (B.D.F)၊Fight For Freedom (F.F.F) စသည့်အဖွဲ့များက ပူးပေါင်းတိုက်ခိုက်ခဲ့ခြင်းဖြစ်သည်။

Public Service Announcement

ဆားလင်းကြီးမြို့နယ်တွင် အကြမ်းဖက်စစ်တပ်အား နယ်ဒေသများတွင်သာမက မြို့ပေါ်တွင်ပါ မကြာခဏ ပစ်ခတ်တိုက်ခိုက်နေကြသည်။