မုံရွာလူငယ်များအစည်းအရုံးသပိတ်စစ်ကြောင်းကို စစ်​ကောင်စီက ကားဖြင့်တိုက်ပြီး ပစ်ခတ်ဖြိုခွင်း

စစ်ကိုင်းတိုင်း၊ မုံရွာလူငယ်များအစည်းအရုံးသပိတ်စစ်ကြောင်းကို အကြမ်းဖက်စစ်​ကောင်စီတပ်က အိမ်စီးကားဖြင့် တိုက်ပြီး ​သေနတ်ဖြင့် ပစ်ခတ်ဖြိုခွင်းခဲ့သော်လည်း ဆန္ဒပြလူငယ်များ လွတ်မြောက်ခဲ့ကြောင်း ဒေသခံများက ပြောသည်။

ယနေ့(ဇွန်လ ၆ရက်) မုံရွာမြို့ ကျောက္ကာလမ်းမပေါ်၌ မုံရွာလူငယ်များအစည်းအရုံးသပိတ်စစ်ကြောင်းသည် ချီတက် လမ်းလျှောက်ဆန္ဒပြနေစဥ် အကြမ်းဖက်စစ်ကောင်စီမှ အိမ်စီးကားဖြင့် တိုက်၍ ဖြိုခွင်းခဲ့ကြောင်း ဒေသခံများက ပြောသည်။

သေနတ်ဖြင့် ၅ချက်ခန့်ပစ်ခတ်ခဲ့သော်လည်း ထိမှန်သူမရှိကြောင်း၊ ကလစ်ဆိုင်ကယ် တစ်စီးကိုမူ အကြမ်းဖက်စစ်ကောင်မှ သိမ်းဆည်းသွားကြောင်း Monywa Roads Information က ဖော်ပြသည်။

မုံရွာမြို့သည် အကြမ်းဖက်စစ်တပ်အား ခုခံတော်လှန်မှုအားကောင်းသည့် မြို့တစ်မြို့ဖြစ်ပြီး ကျေးလက်တွင်သာမကဘဲ မြို့ပေါ်ပြောက်ကျားတိုက်ခိုက်မှုများ မကြာ ခဏ ဖြစ်ပွားနေသည်။

Public Service Announcement

ပုံအ​ဟောင်းကို အသုံးပြုထားပါသည်။