စစ်ကိုင်းတိုင်း၊ ရွှေဘိုမြို့နယ် ဇီးဖြူကုန်းကျေးရွာ၌ တပ်စွဲထားသော အကြမ်းဖက်စစ်ကောင်စီတပ်နှင့် ပျူစောထီးများအား ဒေသတွင်းပြည်သူ့ကာကွယ်ရေးအဖွဲ့များက သွားရောက်တိုက်ခိုက်ခဲ့ရာ အကြမ်းဖက်စစ်သားနှစ်ဦးသေဆုံးကြောင်း ဗိုလ်ကျားရိုင်း – ပ.က.ဖ ရွှေဘို (အဖွဲ့)က သတင်းထုတ်ပြန်သည်။
ယမန်နေ့(ဇွန်လ ၆ရက်)က သွားရောက်တိုက်ခိုက်ခဲ့ခြင်းဖြစ်ပြီး မဟာမိတ်တပ်ပေါင်းစုများ ထိခိုက်မှုမရှိဘဲ အကြမ်းဖက်စစ်သား နှစ်ဦးသေဆုံးကြောင်း ဗိုလ်ကျားရိုင်း – ပ.က.ဖ ရွှေဘို(အဖွဲ့)က ပြောသည်။
အဆိုပါဖြစ်စဥ်အား မဟာမိတ်တပ်ပေါင်းစုများဖြစ်ကြသော ဗိုလ်ကျားရိုင်း – ပ.က.ဖ ရွှေဘို၊ မတစ်ထောင်(တစ်ကောင်ဖွား) ဒီပဲယင်း၊ C&T SHWEBO ၊ SNAKE EYES PDF ၊ Alpha 7 ၊ PEOPLE DEFENSE FORCE SHWEBO ၊ ဒေါင်းမာန်အဖွဲ့ နှင့် တပ်ပေါင်းစု -၂တို့က သွားရောက်တိုက်ခိုက်ခဲ့ခြင်းဖြစ်သည်။
ဗိုလ်ကျားရိုင်း – ပ.က.ဖ ရွှေဘို (အဖွဲ့)သည် ဧပြီ ၁၃ ရက်ကလည်း ဇီးဖြူကုန်းကျေးရွာတွင် တပ်စွဲထားသော စစ်ကောင်စီတပ်နှင့် ပျူစောထီးများကို သွားရောက်တိုက်ခိုက်ခဲ့ပြီး အကြမ်းဖက်အုပ်စုမှ သုံးဦးထိခိုက်ဒဏ်ရာရရှိခဲ့သည်။
Public Service Announcement
