အမျိုးသားညီညွတ်ရေးအစိုးရ (NUG) ပြည်ထောင်စုဝန်ကြီးချုပ် မန်းဝင်းခိုင်သန်းသည် ရှေ့တန်းစစ်စခန်းတစ်ခုကို သွားရောက်၍ ပြည်သူ့ကာကွယ်ရေးတပ်ဖွဲ့(PDF)ရဲဘော်များကို သွားရောက်ခဲ့ ကြောင်း ယနေ့သတင်းထုတ်ပြန်သည်။
NUG ပြည်ထောင်စုဝန်ကြီးချုပ်သည် ဇွန်လ ၇ ရက်တွင် ရှေ့တန်းစစ်စခန်းတစ်ခုကို သွားရောက်ခဲ့ခြင်းဖြစ်ပြီး တိုင်းရင်းသားလက်နက်ကိုင်တပ်ဖွဲ့များနှင့်အတူ နွေဦးတော်လှန်ရေးကို အနိုင်ရရှိအောင် တိုက်ကြမည်ဖြစ်ကြောင်း ပြောကြားခဲ့သည်။
လူငယ်များသည် အေးချမ်းစွာ ပညာသင်ကြားနေကြရမည်ဖြစ်သော်လည်း တိုင်းပြည်လိုအပ်နေချိန်တွင် ရှေ့တန်းထွက်ကာ ပါဝင်လာကြ၍ လွန်စွာလေးစားကြောင်းနှင့် CDM တွင်ပါဝင်လာသူ ဝန်ထမ်းများသည်လည်း လက်ရှိအချိန်အထိ တောင့်ခံပေးထားကြသည်မှာ လွန်စွာလေးစားဖွယ် ဖြစ်ကြောင်း မန်းဝင်းခိုင်းသန်းက ပြောကြားခဲ့သည်။
ပြည်ထောင်စုဝန်ကြီးချုပ်သည် ရှေ့တန်းရောက် PDF ရဲဘော်များနှင့်အတူ PDF အလံကို အလေးပြုခဲ့ပြီးကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အဖြစ် သစ်ပင်စိုက်ပျိုးခြင်းတို့ကိုပြု လုပ်ခဲ့ကြောင်း သတင်းထုတ်ပြန်သည်။
ယာယီသမ္မတ ဒူဝါလရှီးလသည်လည်း ရှေ့တန်းစခန်းတစ်နေရာရှိ ပြည်သူ့ကာကွယ်ရေးတပ်မတော်၏ စစ်သည်ရဲဘော်များကို မေလ ၂၄ ရက်တွင် သွားရောက် ကြည့်ရှုကာ အားပေးစကားပြောကြားခဲ့သည်။