ရန်ကုန်တိုင်း ဥက္ကံမြို့မှ စစ်ကောင်စီထောက်တိုင် ပြည်သူ့စစ်ခေါင်းဆောင်ဆိုသူကို ရှင်းလင်းခဲ့ကြောင်း ပြည်သူ့ကာကွယ်ရေးတပ်ဖွဲ့(ဥက္ကံ)မှ ယနေ့(ဇွန် ၂၂) ထုတ်ပြန်သည်။
တိုက်ကြီးမြိ့နယ်၊ ဥက္ကံမြို့ကင်းမတီးအလယ်ရွာမှ ပြည်သူ့စစ်ခေါင်းဆောင် အောင်မိုးအားပြည်သူများ၏သတင်းပေးတိုင်ကြားချက်အရသေနတ်ဖြင့်ခြောက်ချက် ပစ်ခတ်၍ ရှင်းလင်းခဲ့သည်ဟု ဖော်ပြသည်။
“ငါးချက်နဲ့မသေဘူး။ ခြေထောက်လှမ်းဆွဲသေးတာ။ ခြောက်ချက်မြောက်မှာ ခေါင်းတေ့ပစ်မှ သေတာ”ဟု ဥက္ကံ PDF မှတာဝန်ရှိသူက ပြောသည်။
Public Service Announcement
ပြည်သူများသတင်းပေးတိုင်ကြားမှုအပြင် အဖွဲ့ကိုယ်တိုင် အောင်မိုးအား သေချာစုံစမ်းပြီး ဥက္ကံမြို့ ပြည်သူ့စစ်ခေါင်ဆောင် ၊ပျူစောထီး ဒုတိယခေါင်းဆောင်ဖြစ်ကြောင်းအတည်ပြုနိုင်ခဲ့သည်ဟု ၎င်က ဆက်ပြောသည်။
၎င်းတို့အနေဖြင့် စစ်အာဏာရှင်နှင့် ထောက်တိုင်များကို ယခုထက်မက သုတ်သင်ရှင်းလင်းသွားမည်ဖြစ်ကြောင်းဥက္ကံPDF မှအထက်ပါ တာဝန်ရှိသူက ပြည်သူထံ အသိ ပေးသည်။
ဥက္ကံPDF က စစ်ရေးလှုပ်ရှားမှုအနေဖြင့် စစ်ဆင်ရေး(၈) ခု မြောက်ပြုလုပ်ခဲ့ဖူးသည်။စစ်ကောင်စီတပ်ရင်းမှူးကားအား မိုင်းဆွဲခြင်း၊ ဥက္ကံမှပျူခေါင်းဆောင် မြင့်သိန်း၏တပည့်များကို ပစ်ခတ်ရှင်းလင်းခြင်း ၊မြို့နယ်YMYA ဥက္ကဌကို ရှင်းလင်းရှင်း၊ တိုက်ကြီးတိုးဂိတ်အဟောင်းကိုဗုံးခွဲတိုက်ခိုက်ခြင်း၊ တိုက်ကြီးမှ စစ်ကောင်စီဒေါက်တိုင်ဘဏ်ကိုမိုင်းခွဲတိုက်ခိုက်ခြင်းစသော စစ်ဆင်ရေးများပြုလုပ်ခဲ့သည်ဟု သိရသည်။
“ကျွန်တော်တို ဥက္ကံ PDF အနေနဲ့စစ်အာဏာရှင်ဒေါက်တိုင်တွေကိုဒီထက်မက ရှင်းလင်းသုတ်သင်သွားမယ်ဆိုတာကိုပြည်သူတွေကို အသိပေးလိုပါတယ်”ဟုဥက္ကံPDF မှတာဝန်ရှိသူကပြောသည်။
