ဝမ်ပေါင်ကြေးနီစီမံကိန်းသို့သွယ်တန်းထားသည့် ပင်မဓာတ်အားလိုင်းကို ဖြိုချဖျက်ဆီး

●​ကြေးနီစီမံကိန်းမီးပျက် စက်ရုံမလည်ပါတ်နိုင်​တော့ဟု အမိ​မြေ​တော်လှန်​ရေးအဖွဲ့​ပြော

လက်ပံတောင်းတောင် ဝမ်ပေါင်ကြေးနီစီမံကိန်းသို့သွယ်တန်းထားသည့် ပင်မဓာတ်အားလိုင်းကို ဖောက်ခွဲ ဖြိုချခဲ့ကြောင်း အမိမြေတော်လှန်ရေးတပ်ဖွဲ့က ယနေ့ (ဇွန် ၂၅ ရက်) ထုတ်ပြန်သည်။

အဆိုပါ ပင်မဓာတ်အားလိုင်းတိုင်ကို ယမန်နေ့ ည ၁၀ နာရီခွဲခန့်က Young People Force နှင့်ပူးပေါင်း၍ ဖျက်ဆီးဖြိုချခဲ့ခြင်းဟု ဆိုသည်။

“ဝမ်​ပေါင်ထဲလျှပ်စစ်မီး ပြတ်သွားတယ်။ စက်ရုံတွေမလည်ပတ်နိုင်တော့ဘူး။ စစ်အာဏာရှင်ကို အင်တိုက်အားတိုက် ဆက်လက်တော်လှန်ဖို့ အမိမြေတပ်ဖွဲ့အနေနဲ့ လက်နက်ခဲယမ်းများလိုအပ်နေတယ်။”ဟု အမိမြေတော်လှန်ရေးတပ်ဖွဲ့ တာဝန်ရှိသူက ပြောသည်။

စစ်ကိုင်းတိုင်း ၊ဆားလင်းကြီးမြို့နယ်၊ညောင်ပင်ကြီးဓာတ်အားခွဲရုံမှ ဝမ်ပေါင်ကုမ္ပသို့ သွားသည့် ဓာတ်အားလိုင်းကို ဖြိုချခဲ့ခြင်းမှာ အပြစ်မဲ့ပြည်သူများအား ဖမ်းဆီး၊သတ်ဖြတ်၍ ပစ္စည်းများခိုးယူနေသော အကြမ်းဖက်စစ်တပ်ကို ရိက္ခာထောက်ပံ့ခြင်း၊လက်ခံထားရှိခြင်း နှင့် အားပေးအားမြှောက်ပြုနေခြင်းကြောင့်ဟု အသိပေးထားသည်။

Public Service Announcement

အကြမ်းဖက်စစ်တပ်နှင့်ဆက်လက်ပူးပေါင်းနေမည်ဆိုပါက တော်လှန်ရေးအင်အားစုများပူးပေါင်းကာ ဆက်လက်တိုက်ခိုက်သွားမည်ဟု အမိမြေတော်လှန်ရေးတပ်ဖွဲ့က သတိပေးသည်။

တရုတ်ပြည်သူ့သမ္မတနိုင်ငံအနေဖြင့်လည်း အကြမ်းဖက်စစ်တပ်ပေါ်ထားရှိသည့် မူဝါဒကို ပြန်လည်သုံးသပ်သင့်ပြီး အမျိုးသားညီညွတ်ရေးအစိုးရ(NUG)နှင့် လက်တွဲ၍ ဖက်ဒရယ်ဒီမို ကရေစီအမြန်ဆုံးပေါ်ပေါက်အောင် ကူညီနိုင်သည့် မူဝါဒနှင့် ဆက်ဆံရေးများထားရှိရန် ထုတ်ပြန်ချက်၌ တိုက်တွန်းသည်။