တောင်ကြီးမြို့ မြို့မစျေးမီးပွိုင့်အနီးဖောက်ခွဲတိုက်ခိုက်မှုတွင် စစ်ကောင်စီလက်အောင်ခံ ရဲနှစ်ဦးသေဆုံးပြီး ယာဥ်ထိန်းရဲနှစ်ဦးထိခိုက်ဒဏ်ရာရသွားကြောင်း ပြောက်ကျားတပ်ဖွဲ့SUM (UGPDF) က ယနေ့(ဇွန် ၂၆)အသိပေးထုတ်ပြန်သည်။
ဇွန်လ ၂၄ ရက်က တောင်ကြီးသို့လာသော အကြမ်းဖက်စစ်တပ် ဒုချုပ်စိုးဝင်း၏ခရီးစဥ်အား ရည်ရွယ်၍ မြို့မစျေးမီးပွိုင့်အနီးတွင် ဖောက်ခွဲတိုက်ခိုက်ခဲ့ရာ အထက်ပါအတိုင်း ထိခိုက်သေ ဆုံးခဲ့ခြင်းဖြစ်ကြောင်း တပ်တွင်းသတင်းရင်း မြစ်ကိုကိုးကားပြီး ဖော်ပြသည်။
တိုက်ခိုက်မှုကြောင့် ထိခိုက်သေဆုံးသူများတွင် ယာဥ်ထိန်းရဲနှစ်ဦးမှာ စိုးရမ်ရဒဏ်ရာရရှိပြီး ရဲ တပ်ဖွဲ့ဝင်နှစ်ဦးတွင် ရဲတပ်ကြပ်ကြီးတစ်ဦးနှင့် ရဲသားတစ်ဦးသေဆုံးခဲ့သည်ဟု ထုတ်ပြန် သည်။
ထို့အပြင် စစ်ကောင်စီတပ်မှ ကားနှစ်စီးဗုံးစထိမှန်ကာ ကားမှန်များကွဲသွားကြောင်း ထပ်မံကြားသိရသဖြင့် ပြည်သူများလည်း ၎င်းတို့နှင့်ထပ်တူ ကြေနပ်ကြလိမ့်မည်ဟုယုံကြည်ကြောင်း ဖော်ပြသည်။
Public Service Announcement
“နောက်နောင်တွင်လည်း ဒီထက်မကအောင်မြင်မှုရအောင် ကြိုးစားသွားမည်ဖြစ်ကြောင်း ကတိစကားပါးချင်ပါတယ်”ဟု SUM(UGPDF)မှ ရဲ ဘော်တစ်ဦးက သတင်းစကားပါးသည်။
လက်ရှိတွင် SUM(UGPDF)အနေဖြင့် စစ်ရေးတိုက်ခိုက်မှုများအတွက် မိဘပြည်သူများထံမှ အလှူငွေကောက်ခံခြင်းမျိုးလုံးဝ(လုံးဝ)မရှိသေးကြောင်း အသိပေးကြေညာထားသည်။
