အကြမ်းဖက်စစ်ကောင်စီတပ်များ ချင်းပြည်နယ်ဘက်သို့ တက်သွား၍ ကလေး – ဖလမ်း လမ်းပိုင်းကို ဖြတ်သန်းသွားလာခြင်းလုံး၀ မပြုလုပ်ရန် ချင်းအမျိုးသားအဖွဲ့ချုပ်/ချင်းအမျိုးသားကာကွယ်ရေးတပ်(CNO/CNDF)က အရေးပေါ် သတိပေးချက် ထုတ်ပြန်သည်။
ဇွန်လ ၂၇ရက်တွင် စစ်ကောင်စီတပ်များသည် ကလေးမြို့မှ ချင်းပြည်နယ်ဘက်သို့ တက်သွားကြောင်း CNO/CNDFက ယနေ့ မွန်းလွဲပိုင်း၌ ထုတ်ပြန်ခဲ့ခြင်းဖြစ်သည်။
CNDFသည် ကလေးမြို့နယ်နှင့် ဖလမ်းမြို့နယ်တို့တွင် စစ်ကောင်စီတပ်ကို ခုခံတိုက်ခိုက်နေသည့် တော်လှန်ရေးတပ်ဖွဲ့ဖြစ်သည်။
ပြီးခဲ့သည့် မေလ အတွင်းကလည်း ဖလမ်းမှ ကလေးမြို့သို့ ပြန်ဆင်းလာသည့် စစ်ကောင်စီတပ် ယာဉ်တန်းကို CNDF အပါအဝင် ချင်းကာကွယ်ရေးပူးပေါင်းတပ်ဖွဲ့များက ခုခံတိုက်ခိုက်ခဲ့၍ တိုက်ပွဲများဖြစ်ခဲ့သည်။
ထိုသို့ ချင်းပူးပေါင်းတပ်များ၏ တိုက်ခိုက်မှုကြောင့် စစ်ကောင်စီတပ်ဖွဲ့ဝင်များ သေဆုံးထိခိုက်ရှိခဲ့ပြီးချင်းတပ်ဖွဲ့မှ ရဲဘော်အချို့လည်းကျဆုံးထိခိုက်ခဲ့သည်။