ဖားကန့်မြို့နယ်ပြည်သူ့လွှတ်တော်အမတ် ဦးအောင်ဟိန်းမင်း၏ မိဖများနေအိမ်ကို စစ်ကောင်စီအဖွဲ့က ချိတ်ပိတ်ပြီးနောက်တစ်ရက်တွင် ဖျက်ဆီး

ဖားကန့်မြို့နယ်ပြည်သူ့လွှတ်တော်အမတ် ဦးအောင်ဟိန်းမင်း၏ မိဖများပိုင်ဆိုင်သော နေအိမ်ကို အကြမ်းဖက်စစ်ကောင်စီအဖွဲ့က ယမန်နေ့(ဇွန် ၂၉ရက်)က ချိတ်ပိတ်ပြီးနောက် ယနေ့တွင် ဖျက်ဆီးသွားကြောင်း ဒေသခံများနှင့် ဦးအောင်ဟိန်းမင်းက ပြောသည်။

” မ​နေ့က ချိတ်ပိတ်ထားတဲ့ ကျွန်​တော်တို့အိမ်ကို ဒီ​နေ့မှာ စစ်​ကောင်စီက လူအင်အားအများအပြားနဲ့ ရိုက်ဖျက်​နေကြတယ်လို့ သိရပါတယ်။ဒီလုပ်ရပ်ဟာ အဆင့်မရှိတဲ့ လူတန်းစားတစ်ရပ်ရဲ့ ယုတ်မာရမ်းကားမှုသပ်သပ်ပဲလို့ မှတ်ချက်ပြုချင်ပါတယ်”ဟု ဦးအောင်ဟိန်းမင်းက လူမှုကွန်ရက်တွင် ရေးသားထားသည်။

ဖားကန့်ဒေသခံတစ်ဦးက”ဘယ်လိုခံယူချက်နဲ့များ ဖျက်ဆီးတာလဲ စဥ်းစားလို့တောင် မတတ်တော့ဘူးဗျာ။အိမ်ကိုဖျက်ဆီးနေတာများ ဘီလူးသရဲ စီးနေကြသလိုပဲ”ဟု ပြောသည်။

သစ်ဖြင့်ဆောက်လုပ်ထားပြီး သွပ်မိုးထားသည့် နေအိမ်ကို လုံးဝပျက်စီးအောင်ဖျက်ဆီးသွားခြင်းပြီး အိမ်တိုင်များကိုပါ လှဲဖြိုသွားသည်ကို တွေ့ရသည်။

Public Service Announcement

“ရန်သူက ရန်သူ့အလုပ် လုပ်​နေသလို ကျွန်​တော်တို့ဘက်ကလည်း လုပ်စရာရှိတာ ဆက်လုပ်​နေမှာပါပဲ။ ဆက်​တော်လှန်​နေမှာပဲ။ အိမ်ဆိုတာ​လောက်က ကျွန်​တော်တို့ နိုင်ရင် ပြန်ရနိုင်တဲ့အရာပါ။အဆုံးအရှုံးများထားတဲ့ ကျွန်​တော်တို့ ရဲ​ဘော်၊ရဲဘက်​တွေ ပြည်သူ​တွေနဲ့ ယှဉ်လိုက်ရင်ဘာမှ မဟုတ်​ပါဘူး။ ဘာပဲဖြစ်ဖြစ် ကျွန်​တော်တို့ အဆုံးထိသွားကြမယ်။ အ​ရေး​တော်ပုံကြီး ​အောင်မြင်တဲ့အထိ ​တော်လှန်ကြမယ်”ဟု ဦးအောင်ဟိန်းမင်းက ရေးသားထားသည်။

ဒီချုပ်ပါတီမှ ဖားကန့်မြို့နယ်ပြည်သူ့လွှတ်တော်ကိုယ်စားလှယ် ဦးအောင်ဟိန်းမင်းသည် ၂၀၂၀ ရွေးကောက်ပွဲအနိုင်ရ အမတ်များအနက် အသက်အငယ်ဆုံးအမတ်ဖြစ်သည်။