စစ်ဘေးရှောင်ပြည်သူများအား ကျန်းမာရေးစောင့် ရှောက်မှု ပြုလုပ်ပေးခဲ့ကြောင်း ထီးလင်းပြည်သူ့ကာကွယ်ရေးတပ်(PDF)က ယနေ့ (ဇူလိုင် ၁၀ရက်)တွင် မှတ်တမ်းဓာတ်ပုံများနှင့်အတူ ထုတ်ပြန်ခဲ့သည်။
အမျိုးသားညီညွတ်ရေးအစိုးရ(NUG) အမျိုးသမီးလူငယ်နှင့် ကလေးသူငယ်ဆိုင်ရာ၀န်ကြီးဌာန၏ ဂန့်ဂေါခရိုင်တာ၀န်ခံနှင့် ထီးလင်းမြို့နယ်တာ၀န်ခံ ၊ထီးလင်းမြို့နယ် ကြားကာလအုပ်ချုပ်ရေးအဖွဲ့၀င်များ၊ People’s Defence Force – Htilin (YRPA)မှ Medical Teamအဖွဲ့၀င်များ ပူးပေါင်းပြီး စစ်ဘေးရှောင်ပြည်သူများအား ကျန်းမာရေးစောင့်ရှောက်မှု ပေးခဲ့ကြောင်း ဖော်ပြထားပြီး နေ့ရက်နှင့် နေရာတို့ကိုဖော်ပြမထားပေ။
စစ်ကောင်စီတပ်များက အပြစ်မဲ့ ပြည်သူများ၏ အသက်အိုးအိမ်စည်းစိမ်ကို နှောက်ယှက် ဖျက်ဆီးခဲ့၍ ပြည်သူများ အိုးအိမ်စွန့်ခွာပြီး ဘေးလွတ်ရာ၌ ရှောင်တိမ်းနေထိုင်ကြရကြောင်း ၊ စစ်ရှောင် ပြည်သူများကို တက်နိုင်သည့်ဘက်မှ ဝိုင်းဝန်းကူညီပံ့ပိုး ပေးကြရန် မေတ္တာရပ်ခံကြောင်း ထီးလင်း PDFက ထုတ်ပြန်သည်။
