Connect with us

Hi, what are you looking for?

LuduNwayOo

သတင်း

ပြင်သစ်ရေနံကုမ္ပဏီကြီး တိုတယ် မြန်မာနိုင်ငံကနေ အပြီးတိုင်ထွက်ခွာ

တိုတယ် နဲ့ ရှက်ဗရွန်ထွက်ခွာသွားပြီးနောက် ထိုင်း PTTEP က စီမံကိန်းလည်ပတ်မှုကို ဦးဆောင်သူ ဖြစ်လာပါတယ်။

ပြင်သစ်ရေနံကုမ္ပဏီကြီး တိုတယ် မြန်မာနိုင်ငံကနေ အပြီးတိုင်ထွက်ခွာ
ပြင်သစ်ရေနံကုမ္ပဏီကြီး တိုတယ် မြန်မာနိုင်ငံကနေ အပြီးတိုင်ထွက်ခွာ

စစ်အာဏာသိမ်းပြီးနောက်ဆိုးရွားလာတဲ့ အခြေအနေတွေကြောင့် ပြင်သစ်ရေနံကုမ္ပဏီကြီး တိုတယ် ဟာ ဒီနေ့ ဇူလိုင်လ ၂၀ ရက်မှာ မြန်မာနိုင်ငံကနေ အပြီးပြတ်ထွက်ခွာပြီလို့ ကုမ္ပဏီဘက်ကကြေညာချက်ထုတ်ပြန်အသိပေးလိုက်ပါတယ်။

အာဏာသိမ်းမှုနောက်ဆက်တွဲ စစ်တပ်ရဲ့လူ့အခွင့်အရေးချိုးဖောက်မှုတွေကြောင့် တိုတယ်ဟာ ရတနာဓာတ်ငွေ့စီမံကိန်းကနေ နောက် ၆ လကြာရင် အပြီးတိုင်နှုတ်ထွက်မယ်လို့ ပြီးခဲ့တဲ့ ဇန်နဝါရီလအတွင်းက ဆုံးဖြတ်ခဲ့တာပါ။

မထွက်ခွာမီ ၆ လတာကာလအတွင်း ရှယ်ယာလွှဲပြောင်းရောင်းချတာတွေ ပြုလုပ်ခဲ့ပြီး ဒီနေ့မှာ တော့ ရတနာဓာတ်ငွေ့စီမံကိန်းမှာ ရှယ်ယာပိုင်ဆိုင်သူ ၊ အော်ပရေတာ အဖြစ်ကနေ အပြီးတိုင်နှုတ်ထွက်သွားတာလို့သိရပါတယ်။

တိုတယ်ရဲ့ ရှယ်ယာတွေကို ထိုင်းနိုင်ငံပိုင် PTTEP ကုမ္ပဏီက ဝယ်ယူခဲ့တာပါ။ တိုတယ်ကုမ္ပဏီရဲ့ထုတ်ပြန်ချက်မှာ မြန်မာနိုင်ငံက ဝန်ထမ်းတွေဟာ အော်ပရေတာအသစ်လက်အောက်မှာ အရင်ရာထူးနဲ့လစာအတိုင်းခံစာခွင့်ရမှာဖြစ်တယ်လို့ ဖော်ပြထားတာတွေ့ရပါတယ်။

ရတနာဓာတ်ငွေ့စီမံကိန်းဟာ သက်တမ်း ၂၅ နှစ်ကျော်ကြာပြီဖြစ်ပြီး စီမံကိန်းမှာ တိုတယ်ကုမ္ပဏီက ၃၁ ဒသမ ၂၄ ရာခိုင်နှုန်း ၊ အမေရိကန်ရေနံကုမ္ပဏီ ရှက်ဗရွန် က ၂၈ ဒသမ ၂၆ ရာခိုင်နှုန်း ၊ ထိုင်းနိုင်ငံပိုင် PTTEP က ၂၅ ဒသမ ၅ ရာခိုင်နှုန်း နဲ့ မြန်မာ့ရေနံနဲ့စွမ်းအင်က ၁၅ ရာခိုင်နှုန်း ရင်းနှီးမြှုပ်နှံထားကြတာပါ။

တိုတယ် နဲ့ ရှက်ဗရွန်ထွက်ခွာသွားပြီးနောက် ထိုင်း PTTEP က စီမံကိန်းလည်ပတ်မှုကို ဦးဆောင်သူ ဖြစ်လာပါတယ်။

ဒါအပြင် တိုတယ်ကုမ္ပဏီထွက်ခွာသွားပေမယ့် စစ်ကောင်စီဟာ PTTEP ထံကနေ ဝင်ငွေ ဆက်လက်ရရှိနေဦးမှာပါ။

လူ့အခွင့်အရေးစောင့်ကြည့်ရေးအဖွဲ့ကြီး (HRW) ရဲ့ ထုတ်ပြန်ချက်အရ စစ်အုပ်စုဟာ ရတနာ ၊ရဲတံခွန်နဲ့ရွှေသဘာဝ ဓာတ်ငွေ့စီမံကိန်းတွေကနေ နှစ်စဉ်အမေရိကန် ဒေါ်လာ တစ်ဘီလီယံကျော်ရရှိနေပြီး ငွေဝင်ပေါက်အကြီးမားဆုံးလည်းဖြစ်နေပါတယ်။

You May Also Like

ဗီဒီယို

ပြင်သစ် အစိုးရကတော့ ဘာကီနာဖာဆိုက စစ်တပ်တွေ ကတိုက်ကရိုက် ရုပ်သိမ်းမလား ဆိုတာကို အတည်မပြုသေးပေမယ့် ဘာကြောင့် အခုလို အသည်းအသန် တပ်ရုပ်ခိုင်းနေသလဲ ဆိုတာကို စုံစမ်း မေးမြန်းသွားမယ်လို့ ပြောပါတယ်။

သတင်း

လွန်ခဲ့သည့် ၂ နှစ် ၂၀၂၀ နို၀င်ဘာလ (၈) ရက်တွင် မြန်မာနိုင်ငံသည် နှစ်ပေါင်း (၆၀) အတွင်း ပထမဆုံးအကြိမ် အထွေထွေရွေးကောက်ပွဲကို ဒီမိုကရေစီနည်းကျ ရွေးကောက်တင်မြှောက်ခဲ့သော အရပ်သားအစိုးရက စီမံကျင်းပခဲ့ကြောင်း ပြင်သစ်က ဖော်ပြသည်။

သတင်း

ပြင်သစ်က အမျိုးသားဒီမိုကရေစီအဖွဲ့ချုပ်နှင့် ၎င်း၏ သမိုင်းဝင် ခေါင်းဆောင်များ အပါအဝင် ဒီမိုကရေစီ အတိုက်အခံအင်အားစုများ ပါဝင်သည့် နိုင်ငံရေး ဆွေးနွေးပွဲများ ဖေါ်ဆောင်ရေးအတွက် ၎င်း၏ ကတိကဝတ်ကို ထပ်လောင်းပြောသည်။

နိုင်ငံတကာ

၄၈ ထပ်မြင့်တဲ့ TotalEnergies မျှော်စင်ဆိုတာလည်း ရောဘတ် ခဏခဏ တွယ်တက်လို့ သိပ်မစိမ်းလှတော့တဲ့ နေရာမျိုး ဖြစ်နေပါပြီ။ ဒီတစ်ကြိမ်မှာတော့ သူဟာ မျှော်စင်ထိပ်ထိရောက်ဖို့ မိနစ် ၆၀ သာ အချိန်ယူခဲ့ရပါတယ်။