ရှမ်းပြည်နယ် ညောင်ရွေမြို့တွင် စစ်ကောင်စီခန့် အုပ်ချုပ်ရေးမှူးတစ်ဦးအား ပစ်ခတ်ရှင်းလင်း ခဲ့ကြောင်း ပြောကျားတပ်ဖွဲ့ Assassin For Justice(AFJ)က ယနေ့(ဇူလိုင် ၂၁)ထုတ်ပြန်သည်။
ညောင်ရွှေမြို့ မင်္ဂလာရပ်ကွက်အုပ်ချုပ်ရေးမှူး သော်တာသည် ရပ်ကွက်သား များပေါ် ငွေကြေးအမျိုးမျိုးတောင်းခံခြင်း၊ အခြားမြို့ရွာများတွင် အလုပ်သွား ရောက်လုပ်ကိုင်နေသူများအား PDF အဖွဲသို့ သွားရောက်သူဟုစွပ်စွဲကာ ငွေကြေးတောင်းယူခြင်းများ ပြုလုပ်ခဲ့သည်ဟု ဖော်ပြ သည်။
ထို့ကြောင့် AFJ မှ စစ်ကောင်စီထောက်တိုင်မပြုလုပ်ရန် သတိပေးပြောကြားရာ “မင်းတို့မှာတင် G**n ရှိတာ မဟုတ်ဖူး။ ငါ့မှာလဲ ရှိတယ်။ အချိန်မရွေးလာ ခဲ့”ဟုပြန်လည်ပြောဆိုသဖြင့် ယနေ့နံနက် ၈ နာရီခန့်တွင် သတိပေးရုံသွား ရောက်တွေ့ဆုံခဲ့ရာ ပြန်လည်ရန်မူသောကြောင့် ရှင်းလင်းခဲ့ရ ခြင်းဖြစ်ကြောင်း အသိပေးသည်။
ညောင်ရွှေမြို့နယ်အတွင်းရှိ စစ်ကောင်စီခန့် အုပ်ချုပ်ရေးမှူးများအနေဖြင့် လူထုကိုဖိနှိပ် အုပ်ချုပ်နေသည့် စစ်ကောင်စီထောက်တိုင်အဖြစ် ဆက်လက်မလုပ်ကိုင်ရန်နှင့် လောင်းကစားပြုလုပ်၍ စစ်ကောင်စီထံ ငွေကြေးထောက် ပံ့နေသောလောင်းကစားဒိုင်များကိုလည်း ပြင်းထန်းစွာ သတိပေးကြောင်း ဖော်ပြသည်။
Public Service Announcement
“စစ်အာဏာရှင် အမြစ်ဖြတ်တိုက်ပွဲအတွက် ဘယ်တော့မှသွေးမအေးဘူး”ဟု AFJ ပြောက်ကျား တပ်မှ ရဲဘော်တစ်ဦးက သတင်းစကားပါးသည်။
ထို့ကြောင့် စစ်အာဏာရှင်တည်တံ့ရေး ဆောင်ရွက်နေသူအားလုံးအား သုတ်သင် ရှင်းလင်း သွားမည်ဖြစ်ကြောင်း AFJ က အသိပေးထားသည်။
