စစ်ကောင်စီတပ်ကရွာကိုမီးရှို့သွားစဥ်မိုင်းခွဲတိုက်ခိုက်ခံရမှုကြောင့်အထိနာသွားသည့်ကလေးမြို့ နယ် ကင်မွန်းခြုံရွာရှိနေအိမ်အချို့ တွင် အိမ်နှင့်အတူရော၍မီးရှို့ထားသည့် စစ်ကောင်စီတပ်သားရုပ်အလောင်း ၂၀ ခန့် တွေ့ရကြောင်း ပြည်သူ့ကာကွယ်ရေးတပ်ဖွဲ့ဝင်များကပြောသည်။
ဇူလိုင် ၂၁ ရက်တွင်ကင်းမွန်းခြုံရွာကိုမီးရှို့လာသောစစ်ကောင်စီတပ်မှာမိုင်းခွဲတိုင်ခိုက်ခံရပြီး ၊ ထိုစစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်များတိုက်ပွဲအပြင်းအထန်ဖြစ်ခဲ့သည်။ထိုတိုက်ပွဲတွင်စစ်တပ်ဘက်မှ မိုင်းထိ၍ သေဆုံးသူများခဲ့သည်။ ဒေသခံများသည်ယင်းနေ့ကတည်းက ထွက်ပြေးခဲ့ကြရပြီး စစ်ကောင်စီတပ်ဆုတ်ခွာသွားပြီးနောက် ယနေ့(ဇူလိုင် ၂၄ရက်) ရွာသို့ ပြန်ကြစဥ် အိမ်များနှင့်အတူမီးရှို့ခဲ့သောစစ်ကောင်စီရုပ်အလောင်းများကို နေအိမ်အချို့ပေါ်၌ တွေ့ရှိခဲ့ခြင်းဖြစ်သည်။
“တစ်အိမ်တည်းမှာ ၁၂လောင်းတောင်တွေ့တာ။ မီးရှိူ့ထားတာ အရိုးတွေကျန်ခဲ့တယ်။ နောက်တစ်အိမ်စီပေါ်မှာ တစ်လောင်းစီနဲ့ အလောင်း၂၀လောက်တွေ့တယ်” ဟုပြည်သူ့ကာကွယ်ရေးရဲဘော်တစ်ဦးကပြောသည်။
မီးရှို့ခဲ့သဖြင့် အရိုးစုကျန်ခဲ့သောစစ်ကောင်စီတပ်သားရုပ်အလောင်းများကို နေအိမ်များပေါ်တွင်တွေ့ရခြင်းသည် ထိန့်လန့်ဖွယ်ဟုဒေသခံတစ်ဦးကလည်းပြောသည်။
Public Service Announcement
“ရေထဲမျော၊ လွှင့်ပစ်ရမှာ။ ဘာသာတရားအရဆို မနေသင့်၊ မနေရဲတော့တဲ့နေရာဖြစ်နေပါပြီ။ အခုတော့ ဒေသခံတွေဟာ ခြံဝိုင်းတွေထဲ တဲထိုးနေကြရပါတယ်” ဟု ဒေသခံတစ်ဦးကပြောသည်။
ကင်မွန်းခြုံရွာတိုက်ပွဲတွင် ပြည်သူ့ကာကွယ်ရေးမဟာမိတ်ဖက်မှ ရဲဘော်တစ်ဦး မိုင်းထိဒဏ်ရာရခဲ့သည်။ အထိနာသွားသည့်စစ်ကောင်စီတပ်သည်ကင်မွန်းခြုံရွာမှ နေအိမ် ၂၀ခန့်ကို မီးရှို့ဖျက်ဆီးသွား၍ ဒေသခံများသည် နေရေးစားရေး အခက်အခဲ ကြုံတွေ့နေသည်။ဒေသခံပြည်သူများ၏ နေအိမ်များကိုမီးရှို့ဖျက်ဆီးစဥ် တိုက်ပွဲတွင်သေခဲ့သောအကြမ်းဖက်စစ်သားအလောင်းများကိုပါ ပြန်မသယ်ဘဲ အိမ်နှင့်အတူမီးရှို့ခဲ့ခြင်းဖြစ်ကြောင်း PDFအချို့ကပြောသည်။
