ကိုဂျင်မီနဲ့ ကိုဇေယျာသော်အပါအဝင် ၄ ဦးကို စစ်ကောင်စီက မိုက်မဲစွာ သေဒဏ်စီရင်တဲ့သတင်းဟာ လူထုတရပ်လုံးရဲ့ ဒေါသနဲ့ မခံချင်စိတ်ကို နှိုးဆွ စိန်ခေါ်လိုက်တာလို့ ရက္ခိုင်အမျိုးသားအဖွဲ့ချုပ်(ULA)က ထုတ်ပြန်လိုက်ပါတယ်။
ဒီလုပ်ရပ်ဟာ နိုင်ငံတကာ ၊ အိမ်နီးချင်းနိုင်ငံကြီးတွေနဲ့ အာဆီယံအသိုင်းအဝိုင်းက ကမကထ တိုက်တွန်းကူညီလုပ်ဆောင်ပေးနေတဲ့ ငြိမ်းချမ်းစွာဖြေရှင်းဆောင်ရွက်နိုင်မယ့် နိုင်ငံရေးအလားအလာတွေကို စစ်ကောင်စီက ရင့်သီးစွာ ခြေနဲ့နင်းပြီး ဖျက်ဆီးပြလိုက်တာလို့ ULA က ရှုမြင်သုံးသပ်ထားပါတယ်။
ကိုဂျင်မီ၊ကိုဇေယျာသော် တို့အပါအဝင် ၄ ဦးကိုသေဒဏ်ပေးလိုက်ပေမယ့် မြန်မာနိုင်ငံအပြောင်းအလဲအတွက် စွန့်လွှတ်စွန့်စားစိတ်နဲ့အတူ နွေဦးတော်လှန်ရေးအတွက် အနာဂတ်သူရဲကောင်းတွေ ထပ်မံမွေးဖွားလာဦးမှာကို အပြည့်အဝယုံကြည်ကြောင်း ULA က ဆိုထားပါတယ်။