နေရာမရွေး တရားမဲ့သတ်ဖြတ်မှုများ ကျူးလွန်နေသည့် စစ်ကောင်စီတပ်ကို ပြင်းထန်သော တုန့်ပြန်မှုများပြုလုပ်မည်ဟု KNDF သတိပေး

နေရာမရွေးတရားမဲ့သတ်ဖြတ်မှုများကို ကျူးလွန်နေသည့် အကြမ်းဖက် စစ်ကောင်စီတပ်ကို ပြင်းထန်သောတုန့်ပြန်မှုများ ပြုလုပ်မည်ဟု ကရင်နီအမျိုးသားများကာကွယ်ရေးတပ်(KNDF)က ယနေ့(ဇူလိုင် ၂၅ ရက်) သတိပေးထုတ်ပြန်သည်။

အကြမ်းဖက်စစ်ကောင်စီမှ ကိုဂျင်မီနှင့် ကိုဖြိုးဇေယျသော်အပါအဝင် ဒီမိုကရေစီအရေးလှုပ် ရှားသူ (၄)ဦးအား မတရား သေဒဏ်ပေးကွပ်မျက်မှု နှင့်စပ်လျင်း၍ အထက်ပါအတိုင်း KNDF က ကြေညာသည်။

အကြမ်းဖက်စစ်ကောင်စီတပ်မှ ဇူလိုင်၂၄ ရက်တွင် ဒီမိုကရေစီအရေး တပ်ကြွလှုပ်ရှားသူ များဖြစ်သော ကိုဂျင်မီ၊ ကိုဖြိုးဇေယျသော်၊ ကိုအောင်သူရဇော်နှင့် ကိုလှမျိုးအောင်တို့အား မတရား သေဒဏ်စီရင် ပြီးကြောင်း ကြေညာခဲ့သည်ဟု KNDF က ဆိုသည်။

ထိုသို့ အကြမ်းဖက်စစ်ကောင်စီ၏ သေဒဏ်စီရင်သတ်ဖြတ်မှုသည် စစ်ရာဇဝတ်မှုနှင့်၊ လူသားမျိုးနွယ်များအပေါ် ဆန့်ကျင်သော ရာဇဝတ်မှုများကို ကျူးလွန်ခြင်းဖြင့်သဖြင့် KNDF က ပြင်းထန်စွာကန့်ကွက်ရှုပ်ချကြောင် အသိပေးသည်။

Public Service Announcement

အကြမ်းဖက်စစ်ကောင်စီနှင့်ရင်ဆိုင်တိုက်ခိုက်သော ကာလတစ်ရှောက်တွင် စစ်သုံ့ပန်းများ၊ စစ်ကောင်စီသတင်းပေးဒလန်နှင့် ၎င်းတို့၏ လက်ပါးစေများအား ဖမ်းစီးရမိမှုများ ရှိသော်လည်း သတ်ဖြတ်ခြင်းမရှိဘဲ KNDFက ကောင်းမွန်စွာ ဖမ်းဆီးထိမ်းသိမ်းထားခဲ့ကြောင်း ဖော်ပြသည်။

သို့သော်အကြမ်းဖက်စစ်ကောင်စီသည်ယခုကဲ့သို့ စစ်မြပြင်တွင်သာမကာ နေရာမရွေး တရားမဲ့ သတ်ဖြတ်မှုများကို ကျူးလွန်သဖြင့်ပြင်းထန်သော တုန့်ပြန်မှုများဖြင့် စစ်ကောင်စီတပ်များ အမြစ်ပြတ်သည်အထိချေမှုန်း တိုက်ခိုက်သွားမည်ဟု KNDF က ကတိပြုသည်။