အမေရိကန်နိုင်ငံ နယူးယောက်မြို့ရှိ မြန်မာကောင်စစ်ဝန်ရုံးရှေ့တွင် အကြမ်းဖက် စစ်ကောင်စီတပ်၏ မတရားသဖြင့် သေဒဏ်ပေး၍ စီရင်ခြင်းခံရသည့် ကိုဂျင်မီ၊ ကိုဖြိုးဇေယျာသော်၊ ကိုလှမျိုးအောင်နှင့် ကိုအောင်သူရဇော်တို့နှင့်အတူ နွေဦးတော်လှန်ရေးအတွင်း ကျဆုံးရဲဘော်များ အတွက် ယနေ့ (ဇူလိုင် ၂၆) ဆုတောင်းပွဲ ကျင်းပပြုလုပ်ခဲ့ကြသည်။
ယင်းဆုတောင်းပွဲကို နယူးယောက်မြို့ရှိ ဒီမိုကရေစီ အရေးလိုလားသူ မြန်မာနိုင်ငံသားများက ဦးဆောင်ခဲ့ပြီး ကျဆုံးရဲဘော်များအတွက် လွမ်းသူ့ပန်းများချ၍ “ကောင်းရာသုဂတိလားပါစေ” ဟု ဆုတောင်းပေးခဲ့ကြသည်။
ထို့အပြင် “ဖက်ဆစ်စစ်တပ် အမြစ်ဖြတ်” ဆိုသည့် စာတန်းကိုင်ဆောင်၍ အကြမ်းဖက် စစ်ခေါင်းဆောင် မင်းအောင်လှိုင်၏ ပုံကို ခြေထောက်များဖြင့် ဝိုင်းနင်း၍ စစ်အာဏာရှင် စနစ် အလိုမရှိကြောင်း ဆန္ဒထုတ်ဖော်ခဲ့ကြသည်။
