စစ်အာဏာသိမ်းမှုကို ဆန့်ကျင်ကြောင်းနှင့် ဒီမိုကရေစီအရေးတက်ကြွလှုပ်ရှားသူ လေးဦး မတရားသတ်ဖြတ်ခံရသည့်အပေါ်ရှုတ်ချကြောင်း ထိုင်းရောက်မြန်မာများက ဘန်ကောက်မြို့ရှိ မြန်မာသံရုံးရှေ့၌ ယနေ့ ဆန္ဒပြခဲ့ကြသည်။
အလုပ်ဖွင့်ရက်ဖြစ်သော်လည်း လူဦးရေ ရာနှင့်ချီ လာရောက်ပူးပေါင်းခဲ့ပြီး မိုးရွာနေသည့်ကြားမှ တစ်နာရီကျော်ကြာ ဆန္ဒပြပွဲကို ဆင်နွှဲခဲ့ကြသည်။
မတရားသတ်ဖြတ်ခံရသည့်ဒီမိုကရေစီအရေးတက်ကြွလှုပ်ရှားသူလေးဦး ၏ဓါတ်ပုံများ ကိုကိုင်ဆောင်၍လည်း အကြမ်းဖက်စစ်ကောင်စီကိုဆန့်ကျင်ဆန္ဒပြကြသည်။
‘ပြည်သူ့အာဏာ ပြည်သူ့ပြန်ပေး’၊ ‘ဒီမိုကရေစီ ရရှိရေး ဒို့အရေး ဒို့အရေး’၊ ‘ဆန္ဒ ဆန္ဒ ပြ ပြ’ ‘ငါတို့အစိုးရ ဘယ်သူလဲ NUG NUG’၊ ‘မြန်မာသံရုံး အလိုမရှိ အလိုမရှိ’၊ ‘မအေလိုး မင်းအောင်လှိုင် မင်းအောင်လှိုင် မအေလိုး’၊ ‘၈၈က စောက်ချိုးတွေ ၂၁ မှာ လာမချိုးနဲ့’ ၊ ‘မင်းတို့ဦးနှောက် ၈၈ ငါတို့ ဦးနှောက် ၂၁’ ၊ ‘စစ်အာဏာရှင် အလိုမရှိ အလိုမရှိ’၊ ‘ဒို့ပြည်သူတွေ ညီရဲ့လားဟေ့ ညီတယ်ဟေ့ ညီတယ်ဟေ့’ ၊’အရေးတော်ပုံ အောင်ရမည်’ စသည့် ကြွေးကြော်သံများကို ဟစ်ကြွေးခဲ့ကြသည်။
Public Service Announcement
