စစ်ကိုင်းတိုင်း၊ မင်းကင်းမြို့နယ်တွင်ယမန်နေ့ကစစ်ကောင်စီတပ်ရေယာဥ်များနှင့်ဒေသတွင်းPDFများတိုက်ပွဲဖြစ်ပွားပြီးအကြမ်းဖက်စစ်အုပ်စု၏ ဗိုလ်မှူးတစ်ဦးအပါအဝင်(၁၀)ဦးအထက်သေဆုံးခဲ့ကြောင်း မင်းကင်းနွေဦးတော်လှန်ရေးက သတင်းထုတ်ပြန်သည်။
ယမန်နေ့(ဇူလိုင်လ ၂၅ ရက်)နံနက်၇နာရီခွဲခန့်ကစ၍မင်းကင်းမြို့နယ်အတွင်း၀င်ရောက်လာသောအကြမ်းဖက်စစ်တပ်၏ဖလက်မော်တော်(၉)စီးအုပ်စုနှင့်မင်းကင်းမြို့နယ် မြစ်ရိုးအောက်ဒေသပကဖအဖွဲ့များ တိုက်ပွဲအပြင်းအထန်ဖြစ်ပွားခဲ့သည်။
ဖြစ်စဉ်မှာ နံနက် (၇) နာရီခွဲခန့်တွင် ဘင်အနောက်တောမှ သင်တောရွာအနီးတောက်လျှောက်အထိအကြမ်းဖက်စစ်တပ်၏ ဖလက်မော်တော်များအား မင်းကင်းမြို့နယ် မြစ်ရိုးအောက်ဒေသ ပကဖအဖွဲ့များသည် ည ၁၀ နာရီခန့်အထိ အပြင်းအထန်တိုက်ခိုက်ခဲ့သည်ဟုဖော်ပြသည်။
စစ်ကောင်စီတပ်ကဗိုလ်မှူးတစ်ဦး၊စက်သေနတ်ပစ်သမားတစ်ဦး အပါအ၀င် ခန့်မှန်းခြေ (၁၀)ဦးအထက် သေဆုံးခဲ့ကြောင်း မင်းကင်းနွေဦးတော်လှန်ရေးက အသိပေးသည်။
စစ်ကောင်စီတပ်သေဆုံးထိခိုက်မှုနှင့်ပတ်သပ်၍ People’s Spring ကသီးခြားအတည်မပြုနိုင်ပါ။
ပြည်သူ့ရဲဘော် (၂)ဦးလည်း အပြင်းအထန် ဒဏ်ရာရသွားခဲ့ပြီးပကဖဗိုလ်သံလုံးလက်ကိုအနည်းငယ်ထိသွားခဲ့သော်လည်းမစိုးရိမ်ရကြောင်းမင်းကင်းနွေဦးတော်လှန်ရေးက ထပ်မံအသိပေးသည်။
အကြမ်းဖက်စစ်တပ်သည်ယခုတိုက်ပွဲအတွက်ကြိုတင်ပြင်ဆင်လာခဲ့ပြီးဒရုန်းများဖြင့်တိုက်ပွဲဧရိယာကိုဖတ်ရှုကာဖလက်များပေါ်မှ ၆၀ မမ၊ ၁၂၀ မမ လက်နက်ကြီးများ ၊ စက်လက်များဖြင့် ဆက်တိုက် အပြင်းအထန်တိုက်စစ်ဆင်ခဲ့ကြောင်း၊ ဒရုန်းမှတဆင့်ကြည့်ရှုပြီးတွက်ချက်ကာလက်နက်ကြီးများဖြင့် ပစ်ခက်ခဲ့ကြကြောင်းလည်းသိရသည်။
ထို့နောက် အကြမ်းဖက်စစ်ကောင်စီတပ်များသည် ချင်းတွင်းမြစ်ကမ်းဘေးရှိဘင်၊အနောက်တော၊အုန္နဲဘုတ်ကျေးရွာများကိုမီးတက်ရှို့ပြီး၁၀နာရီခွဲခန့်တွင်ဆန်တက်သွားကြောင်းလည်းသိရသည်။