Connect with us

Hi, what are you looking for?

LuduNwayOo

သတင်း

စစ်တပ်၏ ကွပ်မျက်မှုကို ပြင်းထန်စွာရှုတ်ချပြီး ထပ်မံမလုပ်ဆောင်ရန် G7 နိုင်ငံခြားရေးဝန်ကြီးများတောင်းဆို

ကနေဒါ၊ ပြင်သစ်၊ ဂျာမနီ၊ အီတလီ၊ ဂျပန်၊ ဗြိတိန်၊ အမေရိကန် နိုင်ငံခြားရေးဝန်ကြီးများနှင့် ဥရောပသမဂ္ဂ အဆင့်မြင့်ကိုယ်စားလှယ်တို့က ယနေ့ထုတ်ပြန်လိုက်သော ကြေညာချက်၌ မြန် မာစစ်တပ်၏ အာဏာသိမ်းမှုကို ဆက်လက်၍ အပြင်းထန်ဆုံးကန့်ကွက်ရှုတ်ချကြောင်း ဖော်ပြ သည်။

စစ်တပ်၏ ကွပ်မျက်မှုကို ပြင်းထန်စွာရှုတ်ချပြီး ထပ်မံမလုပ်ဆောင်ရန် G7 နိုင်ငံခြားရေးဝန်ကြီးများတောင်းဆို
စစ်တပ်၏ ကွပ်မျက်မှုကို ပြင်းထန်စွာရှုတ်ချပြီး ထပ်မံမလုပ်ဆောင်ရန် G7 နိုင်ငံခြားရေးဝန်ကြီးများတောင်းဆို

စစ်ကောင်စီ၏ သေဒဏ်ပေးကွပ်မျက်မှုကို ကမ္ဘာ့ထိပ်သီးခုနှစ်နိုင်ငံအဖွဲ့(G7)က ပြင်းထန်စွာရှုတ်ချလိုက်ပြီး ထပ်မံ၍ ထင်တိုင်းကြဲကွပ်မျက်မှုများကို ရှောင်ကြဉ်ရန် တောင်းဆိုလိုက်သည်။

ကနေဒါ၊ ပြင်သစ်၊ ဂျာမနီ၊ အီတလီ၊ ဂျပန်၊ ဗြိတိန်၊ အမေရိကန် နိုင်ငံခြားရေးဝန်ကြီးများနှင့် ဥရောပသမဂ္ဂ အဆင့်မြင့်ကိုယ်စားလှယ်တို့က ယနေ့ထုတ်ပြန်လိုက်သော ကြေညာချက်၌ မြန် မာစစ်တပ်၏ အာဏာသိမ်းမှုကို ဆက်လက်၍ အပြင်းထန်ဆုံးကန့်ကွက်ရှုတ်ချကြောင်း ဖော်ပြ သည်။

ဦးဂျင်မီ၊ ဦးဖြိုးဇေယျာသော်၊ ဦးအောင်သူရဇော်၊ ဦးလှမျိုးအောင်တို့၏ မိသားစုဝင်များ၊ ၂၀၂၁ ဖေဖော်ဝါရီတွင် စစ်တပ်၏ တရားမဝင်အာဏာသိမ်းမှုအပြီးကတည်းက သတ်ဖြတ်ခံရသူ၊ ဖမ်းဆီးခံရသူ သို့မဟုတ် နှိပ်စက်ခံရသူအားလုံး၏ မိသားစုဝင်များနှင့် အတူခံစားရကြောင်း G7 နိုင်ငံခြားရေးဝန်ကြီးများက ထုတ်ပြန်သည်။

ထို့နောက် နိုင်ငံအတွင်း နိုင်ငံရေး၊ စီးပွားရေး၊ လူမှုရေး၊ လူသားချင်းစာနာမှုနှင့် လူ့အခွင့်အရေး အခြေအနေများအပေါ် အထက်ပါ G7 နိုင်ငံခြားရေးဝန်ကြီးများက လွန်စွာစိုးရိမ်ကြောင်းဖော်ပြသည်။

မြန်မာစစ်တပ်သည် အကြမ်းဖက်မှုများလုပ်ဆောင်နေမှုကို ချက်ချင်းရပ်တန့်ရန်၊ ထပ်မံ၍ ထင်တိုင်းကြဲကွပ်မျက်မှုများကို ရှောင်ကြဉ်ရန်၊ နိုင်ငံရေးအကျဉ်းသားအားလုံးနှင့် တရားလက်လွတ်ထိန်းသိမ်းဖမ်းဆီးထားသူများကို ပြန်လွှတ်ပေးရန်၊ နိုင်ငံကို ဒီမိုကရေစီလမ်းကြောင်းပေါ် ပြန်သွားရန်စသည့် အချက်များကို ဆက်လက်တောင်းဆိုသည်။

G7 နိုင်ငံခြားရေးဝန်ကြီးများသည် အာဆီယံနှင့် ကုလသမဂ္ဂ၏ မြန်မာ့အရေးကြိုးပမ်းအားထုတ်မှုများကို ဆက်လက်အားပေးထောက်ခံပြီး မြန်မာစစ်တပ်အနေဖြင့် အာဆီယံဘုံဆုံးဖြတ်ချက် ၅ ရပ်ကိုအကောင်အထည်ဖော်ရန် တောင်းဆိုသည်။

You May Also Like

သတင်း

ယမန်နေ့(ဒီဇင်ဘာ ၂ရက်) ညနေပိုင်း၌ ညောင် လေးပင်ခရိုင် ရွှေကျင်နှင့် ကျောက်ကြီးမြို့နယ် တို့ရှိ ကျေးရွာများသို့ လေကြောင်းမှ တပြိုင်တည်းတိုက်ခိုက်လာခြင်းဖြစ်သည်။

သတင်း

ကံတော်ရာတောင်‌ပေါ်၌ တပ်စွဲထားလျက်ရှိသောစစ်ကောင်စီတပ်သည် ဒီဇင်ဘာ ၁ ရက်တွင် အင်အားအများအပြားဖြည့်တင်းပြီး စစ်ရေးလှုပ်ရှားမှုများပြုလုပ်ခဲ့သည်ဟု ဆိုသည်။

သတင်း

ခလယ်ရွာကြီးအတွင်းတွင်လည်း စစ်ကောင်စီတပ်မှ ကားတစ်စီးဖြင့် လှည့်ပတ်နေပြီး စစ်ကောင်စီတပ်အတွက် ရိက္ခာများအား ကျေးရွာလူကြီးမှ ပေးပို့နေရကြောင်း ဝင်းရော်ဒေသ နွေဦးတော်လှန်ရေးလှုပ်ရှားလူငယ်များ၏ ထုတ်ပြန်ထားချက်အရ သိရသည်။

သတင်း

ဒေါင်းမင်းသားမြို့ပြပြောက်ကျားတပ်ဖွဲ့(ရေတာရှည်)သည် တောင်ငူခရိုင် PDF တပ်ရင်း (၃၅၀၁)၊ တပ်ခွဲ (၃)အဖြစ် NUG အစိုးရ၊ ကာကွယ်ရေးဝန်ကြီးဌာနအောက်ရှိ တပ်ခွဲတစ်ခုဖြစ်ပြီး တောင်ငူခရိုင် PDF နှင့် ပူးတွဲစစ်ဆင်ရေးများ ဆက်နွှဲလျှက်ရှိသည်။