စစ်အာဏာရှင်ဆန့်ကျင်ရေး ဆန္ဒပြပွဲကို ထိုင်းရောက်မြန်မာများက ထိုင်း-မြန်မာ နယ်စပ်မြို့ မဲဆောက်၌ ယနေ့ ပြုလုပ်ခဲ့သည်။
အဆိုပါ ဆန္ဒပြပွဲကို ၈၈မျိုးဆက် ကျောင်းသားများဦးဆောင်ပြီး မဲဆောက်ရှိ စက်ရုံ၊ အလုပ်ရုံ၊ အထွေထွေလုပ်သားများပူးပေါင်းပါဝင်ခဲ့ကြောင်း ဦးဆောင်သူတစ်ဦးက ပြောသည်။
‘ဖမ်းဆီးထောင်ချသတ်ဖြတ်နေသော မြန်မာစစ်အာဏာရှင်ကို ရှုတ်ချပါသည်’ ဟူသော ဘန်နာနှင့်အတူ ‘ပြည်သူ့အာဏာ ပြည်သူ့ပြန်ပေးရေး၊ မတရားသေဒဏ်ခံရသူများ တရားမျှတမှုရရှိရေး’ တို့ကို ဆန္ဒပြသူများက တောင်းဆိုခဲ့ကြသည်။
ပြီးခဲ့သည့် ဇူလိုင် ၂၆ ရက်တွင် ထိုင်းနိုင်ငံ ဘန်ကောက်နှင့် ချင်းမိုင်မြို့များ၌ ထိုင်းရောက် အလုပ်သမားများအပါအဝင် မြန်မာများက စစ်အာဏာရှင်ဆန့်ကျင်ရေးနှင့် ဒီမိုကရေစီသူရဲကောင်းလေးဦးကို ကွပ်မျက်မှုအားရှုတ်ချခြင်း ဆန္ဒပြပွဲများကို ပြုလုပ်ခဲ့ကြသည်။
Public Service Announcement
