စစ်ကိုင်းတိုင်း၊ အရာတော်မြို့နယ် မင်းရွာတိုက်ပွဲတွင် စစ်ကောင်စီတပ်မှ ၁၀ ဦးထက်မနည်းသေ ဆုံးပြီးနောက် အကြမ်းဖက်စစ်ကောင်စီတပ်က တိုက်ခိုက်ရေး ရဟတ်ယာဥ်လေးစီးဖြင့် အသုံးပြုတိုက်ခိုက်ခဲ့ကြောင်း ဒေသခံသတင်းရင်းမြစ်များက ပြောသည်။
ယနေ့(သြဂုတ် ၄ ရက်) ညနေ ၆ နာရီခန့်ကစ၍ အရာတော်မြောက်ဘက်ရှိ ဘောင်းကျကျေးရွာနှင့် တောင်ဘက်ရှိ မင်းရွာကို စစ်ကောင်စီက တပြိုင်နက်တည်း လေကြောင်းတိုက်ခိုက်မှု ပြုလုပ်ခဲ့ သည်ဟု ဆိုသည်။
“Mi-17 လေယာဥ်တွေ ။တောင်နယ် မင်းရွာနဲ့ မင်းရွာ တဝိုက်ကို Mi-35 တစီးနဲ့ လေးခေါက်ပြန်ဝဲပြီး ပစ်သွားပါတယ်။ နေရာကျယ်တော့ ပြည်သူထိခိုက်မှုတော့ မသိရသေးပါဘူး။ မြောက်နယ် ဘောင်းကျကို သုံးစီးလာပါတယ်။ ဘောင်းကျအနီး မူးဘောင်ရှိပါတယ်၊ အဲ့ဒီတောခြေတဝိုက်ကို ပတ်ပစ်သွားတာပါ။တစီးက ပစ်ပြီး အရင်ပြန်သွားတယ်ဗျ၊ နှစ်စီးက မူးကမ်းလေးဘက်မှာ ခွေးအင်အားချသွားသေးတယ်”ဟု အရာတော်မြို့နယ် ပြည်သူ့ကာကွယ်ရေး တပ်ဖွဲ့ဝင်တစ်ဦးက လူထူနွေဦးသို့ ပြောသည်။
ရဟတ်ယာဥ်များအသုံးပြုပစ်ခတ်မှုသည် ယနေ့ မင်းရွာအနီး တိုက်ပွဲ၌ စစ်ကောင်စီတပ်မှ သေ ဆုံးသူများပြားသဖြင့် တပ်ကူပစ်အား အသုံးပြုခြင်းဟု ၎င်းက ဆိုသည်။
Public Service Announcement
သို့သော် အရာတော်မြောက်ဘက်ရှိ ဘောင်းကျကျေးရွာကိုမူ အကြောင်းမဲ့ ပစ်ခတ်ခြင်းဟု သိရသည်။
အရာတော်မြို့နယ်တောင်ဘက်ကို အကြမ်းဖက် စစ်ကောင်စီက စစ်ကြောင်းထိုးနေစဥ် အရာတော်မြို့ပေါ်အမှတ် (၂) စာသင်ကျောင်းရှေ့၌ လုံခြုံရေးထားသည့် စစ်ကောင်စီအဖွဲ့များကို ယနေ့ (သြဂုတ် ၄ရက်)တွင် ဒေသခံကာကွယ်ရေးအဖွဲ့ဝင်များက လျှပ်တပြက်ပြောက်ကျား တိုက်ခိုက်မှု ပြုလုပ်ခဲ့ရာ စစ်ကောင်စီတပ်သားနှစ်ဦး ထိခိုက်သေဆုံးနိုင်ကြောင်း ဒေသခံ သတင်းရင်းမြစ်အရာတော်ပို့စ်က အသိပေးထားသည်။
ယခုလ ၂ ရက်ကစ၍ အရာတော်မြို့နယ် တောင်ဘက်ရှိ ကျေးရွာများကို စစ်ကောင်စီတပ်က စစ်ကြောင်းသုံးခုခွဲ၍ ဝင်ရောက်လာခဲ့ခြင်းဖြစ်သည်။
