Connect with us

Hi, what are you looking for?

LuduNwayOo

သတင်း

စစ်အာဏာရှင်စနစ် အကုန်အစင်ဖျက်သိမ်းရေး DPNS တောင်းဆို

ငြိမ်းချမ်းသော၊ ညီညွတ်သော၊ တန်းတူ၍ တရားမျှတသော ဖက်ဒရယ်ဒီမိုကရေစီပြည် ထောင်စုတစ်ရပ် ထူထောင်နိုင်ရေးအတွက် အခရာအကျဆုံးမှာ စစ်အာဏာရှင်စနစ် အကုန်အစင်ဖျက်သိမ်းရေးပင်ဖြစ်ကြောင်း လူ့ဘောင်သစ်ဒီမိုကရက်တစ်ပါတီ(DPNS)က ယနေ့ ထုတ်ပြန်သည်။

စစ်အာဏာရှင်စနစ် အကုန်အစင်ဖျက်သိမ်းရေး DPNS တောင်းဆို
စစ်အာဏာရှင်စနစ် အကုန်အစင်ဖျက်သိမ်းရေး DPNS တောင်းဆို

လာမည့် ဩဂုတ် ၈ ရက်တွင် ကျရောက်မည့် (၃၄)နှစ်မြောက် ရှစ်လေးလုံး ဒီမိုကရေစီ လူထုအ ရေးတော်ပုံနေ့ အထိမ်းအမှတ်သဘောထား ထုတ်ပြန်ခြင်းဖြစ်ပြီး အရေးတော်ပုံကြီးအတွင်း အသက်၊ခန္ဓာ၊ ဘဝများ စွန့်လွှတ်ပေးဆပ်ခဲ့ကြသော အလွှာအသီးသီးမှ လူမျိုးပေါင်းစုံ မြန်မာပြည်သူအားလုံးတို့ကို လူ့ဘောင်သစ်ဒီမိုကရက်တစ်ပါတီက လေးစားတန်ဖိုးထားစွာ ဦးညွှတ် အလေးပြုကြောင်းဖော်ပြသည်။

လက်ရှိနွေဦးတော်လှန်ရေးတွင် စစ်အာဏာရှင်စနစ် အကုန်အစင် ဖျက်သိမ်းရေး၊ ၂၀၀၈ ခြေ/ဥ ဖျက်သိမ်းရေး၊ ဖက်ဒရယ်ဒီမိုကရေစီပြည်ထောင်စု ထူထောင်ရေးတို့အတွက် ပုံသဏ္ဌာန်မျိုးစုံဖြင့် တိုက်ပွဲဝင်နေကြသော နိုင်ငံရေးအင်အားစုများ၊ တိုင်းရင်းသားအင်အားစုများ၊ အရပ်ဘက်အဖွဲ့အစည်းများ အပါအဝင် လူမျိုးပေါင်းစုံ မြန်မာပြည်သူလူထုကြီးနှင့်အတူ ရှစ်လေးလုံးအရေးတော်ပုံစိတ်ဓာတ်ကို ကိုင်စွဲပြီး ကျရာတာဝန်ထမ်းလျက် အစွမ်းကုန်ပူးပေါင်းအားထုတ် ကြိုးပမ်းသွားမည်ဟု DPNS က ထုတ်ပြန်သည်။

ဒီမိုကရေစီရေး၊ ငြိမ်းချမ်းရေး၊ အမျိုးသားသွေးစည်းညီညွတ်ရေးဆိုင်ရာ ပြဿနာရပ်များကို ဒီမိုကရေစီနည်းကျ မှန်ကန်စွာ၊ ငြိမ်းချမ်းစွာ ကိုင်တွယ်ဖြေရှင်းရန် ငြင်းဆန်လျက် စစ်အုပ်စုသည် တဖက်သတ် အဓမ္မ အနိုင်ကျင့်ရန် အားထုတ်မှုများကြောင့် ခေတ်အဆက်ဆက်လူထုတိုက်ပွဲများနှင့် လက်နက်ကိုင်ခုခံစစ်များ ပေါ်ပေါက်ကြရခြင်းဖြစ်သည်ဟု DPNS က အခိုင်အမာယုံကြည်သည်။

You May Also Like

သတင်း

ယနေ့ကျရောက်သော DPNS စတင်တည်ထောင်ခြင်း (၃၄)နှစ်မြောက် အထိမ်းအမှတ်နေ့တွင် ပါတီ၏ သဘောထားကြေညာချက်ထုတ်ပြန်ခဲ့ရာ ဖော်ပြခြင်းဖြစ်သည်။

သတင်း

MSDF-S ရေးမြို့နယ်အတွင်းလှုပ်ရှားနေသည့် တော်လှန်ရေးတပ်ဖြစ်ကာ စစ်ကောင်စီတပ်နှင့် လက်ပါးစေများကို တိုက်ခိုက်လျက်ရှိသည်။

သတင်း

ကုလသမဂ္ဂစီးပွားရေးနှင့် လူမှုရေးကောင်စီ၊ ဖွံ့ဖြိုးတိုးတက်ရေးမူဝါဒကော်မတီ၏ ၂၀၁၈ မတ်လအစီရင်ခံစာအရ ၁၉၈၇ ခုနှစ်မှစ၍ ဖွံ့ဖြိုးမှုအနည်းဆုံးနိုင်ငံစာရင်းတွင် ပါဝင်ခဲ့သော မြန်မာနိုင်ငံသည် ယင်းအဆင့်မှ လွတ်မြောက်ရန် စံသတ်မှတ်ချက်သုံးခုစလုံးနှင့် ပထမဆုံးအကြိမ် ပြည့်မီခဲ့သည်။

ဗီဒီယို

စင်ကာပူရဲ့ LGBT အခွင့်အရေး တက်ကြွလှုပ်ရှားသူတွေက ဥပဒေ အပြောင်းအလဲကို ကြိုဆိုခဲ့ပြီး လူသားချင်း နားလည်ငဲ့ညှာမှုအတွက် အောင်ပွဲတစ်ခုလို့ ညွှန်းဆိုခဲ့ကြပါတယ်။