စစ်ကိုင်းတိုင်း မုံရွာ – မန္တလေးလမ်းမကြီးပေါ် မုံရွာ – ချောင်းဦးလမ်းပိုင်းတွင် မိုးသည်းထန်စွာ ရွာသွန်းနေ၍ မိုင်းများကွဲနိုင်သောကြောင့် ပြည်သူများအနေဖြင့် မလိုအပ်ဘဲ သွားလာခြင်းမပြုရန် PDF South Monywaက သတင်းထုတ်ပြန်သည်။
မုံရွာ – မန္တလေးလမ်းတွင် လမ်းပိုင်းအချို့၌ ယနေ့ (သြဂုတ်၁၆ရက်) နံနက်ပိုင်းမှစတင်ကာ မိုးများသည်းထန်စွာ ရွာသွန်းနေကြောင်း၊ မုံရွာ – ချောင်းဦးလမ်းပိုင်း၌ မိုင်းများမတော်တဆကွဲနိုင်၍ မဖြစ်မနေကိစ္စရှိမှသာ သွားလာကြရန်နှင့် အရေးကြီးကိစ္စမရှိဘဲ လုံးဝ အသုံးမပြုကြရန် PDF South Monywaက အသိပေးသည်။
မုံရွာ – မန္တလေးလမ်းမကြီးပေါ်တွင် အကြမ်းဖက်စစ်ကောင်စီယာဥ်တန်းများ ဖြတ်သန်းသွားလာသည့်အခါတိုင်း လမ်းတစ်လျှောက်ရှိ PDFအဖွဲ့များက မကြာခဏ မိုင်းဆွဲတိုက်ခိုက်လေ့ရှိသည်။
